E fundit!

09:27 Kronika

E rëndë në Korçë, 66-vjeçari i jep fund jetës

Rreth orës 08:40, në lagjen nr. 10, Korçë, një automjet ti...

Shehu interpelancë me Manastirliun/ Nëntë pikat për strategjinë e vaksinimit

21 Tetor 2021, 12:06, Politikë CNA

Deputeti i Partisë Demokratike, Tritan Shehu ka parashtruar një kërkesë në Kuvend, për interpelancë me Ministren e Shëndetësisë, Ogerta Manastirliu.

Në një postim në rrjetet sociale, Shehu shkruan se kjo interpelancë e depozituar para dy ditësh, vjen si një thirrje me propozime konkrete, lidhur me strategjinë e vaksinimit anti-Covid.

Ndër të tjera, deputeti Shehu shkruan se duhen përcaktuar llojet e vaksinave në bazë të grupmoshave, kërkohet ndërprerja e vaksinave të paçertifikuara, flitet për domosdoshmërinë e aplikimit të dozës së tretë apo uljen e moshës së vaksinimit.

?Interpelanca e kërkuar nga unë dhe depozituar me datë 19 shtator, ndaj Ministrisë së Shëndetësisë për strategjinë e vaksinimit Covid në vendin tonë.

Aty theksohet se duhen përcaktuar llojet e vaksinave në bazë të grupmoshave, kërkohet ndërprerja e vaksinave të paçertifikuara, flitet për domosdoshmërinë e aplikimit të dozës së tretë apo uljen e moshës së vaksinimit.

1-Për domosdoshmërinë e vaksinimit Covid të popullsisë, duke përcaktuar edhe llojet e vaksinave, që do të përdoren sipas grup moshave e individualiteteve të qytetarëve.

2-Për domosdoshmërineë e deklarimit të një afati final për pëerfundimin e vaksinimit masiv për imunizimin e të paktën 85% të popullsisë.

3-Për domosdoshmërinë e ndërprerjes së përdorimit të çdo vaksine të pa certifikuar nga EMA dhe vazhdimin e procesit vetëm me të tilla.

4-Për nevojen e rivaksinimit të të gjithë atyre që u janë aplikuar vaksina të pa certifikuara e të pa efektshme, si ato kineze e ruse.

5-Për domosdoshmërinë e aplikimit të dozës së tretë të vaksinave.

6-Për uljen e moshës së vaksinimit së pari në 12 vjec.

7-Për strategjinë e përdorimit të “Green Pass” Covid për vaksinat, me efekte kjo brenda e jashtë vendit dhe për politikat e tjera në stimulim të vaksinimit.

8-Për domosdoshmërinë e përmirësimit të sistemit parësor, spitalor, mbrojtjes së personelit shëndetësor në muajt që vijnë, për të përballuar përkeqesimin e gjendjes.

9-Për politikat e aplikimit të testimeve ndaj Covid prej Qeverisë.?-shkruan Tritan Shehu./CNA.al