Rikthimi i Vettingut të politikanëve/ Basha tenton të “fshihet” pas Venecias

20 Tetor 2021, 11:26, Politikë CNA

Kryetari i Partisë Demokratike, Lulzim Basha ka folur sot në lidhje me propozimin e kësaj force politike, për Vettingun e politikanëve.

Ndërsa në media ëhstë raportuar se ?Vettingu i politikanë?, është një çështje e rikthyer nga Basha, ky i fundit ka tentuar të ?fshihet? pas Komisionit të Venecias.

Basha tha se disponon një dokument të Komisionit të Venecias, i cili kërkon Vettingun e politikanëve.

?Propozimi i tretë dhe më i detajuari është Vettingu i politikanëve.

Kam dëgjuar nga disa media se rikthehet vettingu i politikanëve. Kjo është pjesërisht e vërtetë. Kam një dokument nga Komisioni i Venecias që ju lehtësisht mund ta gjeni në internet. Une kam vendimin e këtij komisioni për të zhvilluar Vettingun e politikanëve. Opinioni konstaton se është e domosdoshme të kemi një pastrim të krimit të organizuar të lidhur me shtetin. Qofshin deputetë, ministra apo zyrtarë?-tha Basha.

Më tej ai tha se këtë Vetting, nuk mund ta bëjë kurrësesi politika.

?Pyetjes se kush do e bëjë vetingun e politikanëve, përgjigja jonë është se kurrësesi nuk mund ta bëjë politika. Kjo detyrë do i lihet një institucioni mbi të cilin është investuar miliona nga taksat e amerikanëvë, europianëve dhe shqiptarëvë për të sjellë atë që duan qytetarët, që politikanët e korruptuar të mos promovohën por të ndërshkohën. Kemi fakte konkrete që ne i kemi denoncuar dhe media i ka publikuar për pasuri marramendëse të politikanëve dhe familjeve të tyre që nuk dihet nga vijnë.

Ky llum korrupsioni duhet pastruar. Ky është momenti që të ndahet ?shapi nga sheqeri?. Struktura e Posaçme Antikorrupsion duhet të marë zyrtarët e lartë, deputetë, kryeministër, kryetarë bashkie etj dhe ti fusë në kontroll?-u shpreh Basha.

Kujtojmë këtu se në vitin 2017, nga çadra, Basha e quante Vettingun në politikë si një projekt mafioz.

Ndërsa sot kërkon që të bëhet Vettingu në politikë, dhe këtë ta bëjnë institucionet e reja të dala nga Reforma në Drejtësi, të cilën Basha e sulmon dhe thotë se ?është e kapur nga Rama?./CNA.al

Video-Basha pjesë e projektit mafioz?/ Lidhja me ?komandantin? e ushtrisë së drogës