Basha akuza të forta Qeverisë/ Zbulon shifrat, si u gënjyen qytetarët gjatë pandemisë

7 Tetor 2021, 08:31, Politikë CNA

Kryetari i Partisë Demokratike, Lulzim Basha gjatë fjalës së tij në Kuvend është ndalur tek pandemia e Covid-19, vaksinimi dhe mënyra e menaxhimit nga Qeveria.

Basha ka hedhur akuza ndaj Qeverisë, që sipas tij ka gënjyer qytetarët për ndihmën ekonomike, për rimbursimin e mjekimeve, por edhe për tenderat që sipas tij janë bërë gjatë pandemisë.

Po ashtu Basha ka akuzuar Qeverinë se ka gënjyer edhe për jetët e humbura gjatë pandemisë, si pasojë e Covid-19.

Sipas Bashës, gjatë këtij viti ka pasur 16 mijë humbje jete më shumë sesa vitet e kaluara.

Po ashtu Basha ka komentuar edhe deklaratën e kryeministrit Edi Rama, i cili ndërsa paralajmëroi krizën energjitike, tha se ?Do tia dalim siç ia dolëm me pandeminë?.

Kreu i PD, u shpreh ?Zot na ruaj, se kjo nuk kishte asnjë lidhje me të vërtetën, por tingëlloi si një ?shuplakë? ndaj qytetarëve.?

?Rendi i ditës sot që ka në qendër marëveshjen me Pfizer, e cila vendos në qendër të debatit pandeminë. Këto ditë është diskutuar nga Opozita për vaksinimin dhe diferencën e shifrave të raportuara nga Qeveria. Ajo që thuhet nuk bëhet. Nuk është hera e parë që Qeveria gënjën. Sic gënjyen për ndihmën ekonomike, ndihmën kundrejt pandemisë dhe gënjyen për numrin e jetëve të humbura. Kur Rama deklaroi se do ja dalim sic ja dolëm kundër pandemise ishte ?mos o Zot?. Vazhdon me genjeshtat dhe aktrimin e tij.?-tha Basha.

Më tej, Basha vijoi me akuzat, ndërsa theksoi se arsyeja e krizës, janë vjedhjet në tendera dhe koncesione.

?Vazhdon me gënjeshtat dhe aktrimin e tij. Ofrojnë masa gjysmake. Varfëria është thelluar në çdo pjesë të vendit. Qëllimi i Qeverisë është grabitja e pronave dhe tenderat sekrete. Madje Kosova po na jep leksione përgjegjshmërie dhe ndjeshmërie sepse ka vendosur të mbështese më 1800 euro për ata që kanë humbur një jetë. Kjo nuk kompeson humbjen e tyre por të paktën Kosova ju gjendet afër. Qeveria nuk e bën dot sepse i bie ti heqin nga xhepi i tyre dhe t’ua japin qytetarëve. Në vënd të kërkojë falje për keq menaxhimin Rama, fryhet si gjeli në majë të koncesioneve korruptive?-deklaroi Lulzim Basha./CNA.al