E fundit!

12:20 Aktualitet

EKSKLUZIVE/ Ja kandidatët për postin e nëndrejtorit në Policinë e Shtetit

CNA ka zbuluar ekskluzivisht se cilët do të jenë kandidatë...

Jugosllaviku kërkon anti-amerikan në oborr të PD

4 Tetor 2021, 15:24, Opinione CNA

Nga Zef Zefi

Me sa duket edhe Drejtoria e Sigurimit të Shtetit pranë Ambasades Amerikane në Tiranë, ka dështuar në punën gjurmuese zbuluese e goditëse për anti-amerikanët në oborrin e Partisë Demokratike.

Një nga detyrat më të zorshme për një punëtor operativ të Sigurimit diktatorial të Rep. Pop. Socialiste, (edhe këta kanë kaluar vështirësi…) sipas shumë prej tyre, ka qënë realizimi i Planit të bashkëpunëtorëve për armiqtë që i “zbulonte” me fushata politike vetë Partia e punës-Socialiste.

E njejta situatë paraqitet sot ndonëse e përmbysur. Tronditshëm e përmbysur; Partia e punës Socialiste, (me Ljeninin-alias Jugosllaviku në krye…) duke e puthur poshtë brezit amerikanin, para a pas, i vetë konvertuar tashmë amerikan puro, ka shpallur aksionin e goditjeve, për anti-amerikanët.

Arma e Sigurimit bashkë me Drejtorinê pranë Ambasades, tashmë e kalitur në piruetat jugosllavike, sovjetike, kinezike, dhe tani amerikanike, historikisht nuk e ka pretenduar ndonjëherë ta mbërrijë vigjilencën skifterike të udhëheqësit, por sot gjendet në të njejtën befasi.

Amerikani kërkon faktet për anti amerikanet që ka shpallur Jugosllaviku. Partia gjetjen e fakteve e adreson tek operativi. Po operativi s’ka ku të shkojë më larg se tek patronazhisti dhe ky me maskën neoliberale anticovid, këmbëkryq n’oborrin e PD.

Gjithë bota e di se të kërkosh në oborrin e PD anti-amerikanë, është si me kërku ariun polar në savane afrikane.

Po a tundet Jugosllaviku?

Ambasadoresha kohët e fundit është parë të distancohet disi nga politika. Thonë se ka gjetur “relax” tek muzika.

Mirëpo familja politike e PD, ka hyrë në një “entropi?”-lesheli, të pa hasur.

Dhe jo pak për Drejtorinë e sigurimit pranë Ambasadës, për të përligjur detyrën. Shthurja arritje quhet në gjuhën diabolike të Jugosllavikut.

Patronazhisti ka thyer, dmth rekrutuar asish? jo anti-amerikanë, sepse s’ka arinj polar n’savanë, po çunakë? që herë pas here magjepsen nga trillet e deliret e jugosllavikut suprem.

Dhe këtë e justifikojnë me atë se vetë ambasadoresha ka (pasur) besim tek Jugosllaviku ynë ?amerikan.