Video-Dëshmia tronditëse e motrës së Eglantina Bucit/ “Babai na rrihte me kabull dritash për karamele”

3 Tetor 2021, 17:20, Kronika CNA

Nga Anduena Llabani

Eshtrat e Eglantinës u gjetën nga një gjuetar në datën 13 shtator 2012, por sipas ekspertëve vrasja kishte ndodhur 1-2 vite më parë.

Policia u rikthye në vendin e krimit më 21 shtator 2012 ku u gjendën edhe një pjesë e eshtrave të Eglantinës. Pjesa tjetër ishte e djegur, për të cilat ekspertiza thotë se mund të jenë shkaktuar para ose pas vdekjes. Për më shumë se një vit, hetimet vijuan për t’u mbyllur më pas në 25 janar 2013.

Por dëshmia e dëshmitarit kyç “se Shkëlzeni që ishte në burg për një tjetër çështje kishte vrarë motrën”, bëri që të rihapeshin hetimet në 2018, për të çuar më pas në zbardhjen e plotë të ngjarjes.

?Ishim 3 fëmijë, kam ardhur që 4-vjeç në Babrru. Nënën babai e përzuri pasi e torturonte, e përzuri dhe solli një njerkë, të cilën ky e ka mami dhe grua. Kam fakte që jemi rrahur me kabull dritash, për karamele, rriheshim në mënyrë barbare.

Mami iku nga shtëpia se është larë në gjak. Babai më ka akuzuar se kam vjedhur 500 mijë lekë. Babai më thoshte do të vras ty, motrën edhe vëllain. Kam që në 2002 që nuk shkoj te shtëpia ime?, ka rrëfyer motra e Englantinës.

Kjo është pjesë e dëshmisë tronditëse e motrës së viktimës. Elona Tufa ishte dëshmitare në procesin penal në Gjykatën e Tiranës, ku të pandehur janë babi dhe vëllai i saj. Për më shumë se një orë, ajo rrëfeu tmerrin e turturave mostruoze që kryeshin nga babai ndaj dy motrave.

34-vjeçarja është pyetur dhe për konfliktet që motra e saj ka patur me babain, por ka mohuar të japë detaje pasi sipas saj dhe ajo kishte probleme kur është martuar.

Para gjykatës pritet të dëshmojë dhe nëna e vajzës për të zbuluar më tej detaje të rrethanave të ngjarjes së ndodhur në vitin 2012. Njerka e Eglantinës vijon të banojë në banesën që ndante me Faikun, tashmë të arrestuar, e cila refuzon të dëshmojë.

Ndërkohë personi që zbardhi vrasjen makabër të 23 vjecares Eglantina Bucit nga babai dhe vëllai në 2012 ka fituar statusin e bashkëpunëtorit të drejtësisë. Dëshmia e tij e dhënë dy vjet me parë në gjykatë bëri që të rihapen hetimet dhe gjurmimet e personave të cilët dyshohet se janë të përfshirë në krimin makabër. Identiteti i tij mbahet i fshehtë, pasi autoritetet i druhen një hakmarrje të mundshme nga familjarët Buci./ CNA.al