E fundit!

17:17 Aktualitet

Konsultimet për ligjin antimafia/ Braho: Nëse zbatohet si duhet, nuk ka nevojë për rregullime

Kreu i Prokurorisë së Posaçme, Klodjan Braho ka marrë pjes...

Ish-Presidenti akuza të rënda Ramës/ Zbërthen deklaratat e kryeministrit në Kosovë

28 Shtator 2021, 07:07, Politikë CNA

Ish-Presidenti Bujar Nishani ka hedhuar akuza kundrejt kryeministrit Edi Rama në lidhje me çështjen e Kosovës.

Sipas tij, në çdo rast që Edi Rama përballet me çështjen e Kosovës apo rajonit tonë, ai demonstron hapur tendencat pro serbe dhe fobinë ndaj Kosovës apo injorimin e interesit kombëtar.

?Gjatë vizitës së djeshme të E. Ramës në Kosovë, natyrshëm çështja kryesore e axhendës ishte situata e rëndë provokative e Serbisë në kufirin me Kosovën.

Edi Rama nuk guxoi ta denonconte në Prishtinë, A. Vuçiçin se po provokon dhe po pregatit destabilitetin në rajon.

Edi Rama u kujdes ti ngjyrosë rozë aktet e rrezikshme dhe agresive të A. Vuçiç, të cilat injektojnë urrejtje dhe i fryjnë nxitjes së luftës mes popujve.

Edi Rama nuk u ngrit as në nivelin e shqetësimit dhe deklaratave të Sekretarit të Përgjithshëm të NATO.

Imagjino që Shqipëria është dhe vend anëtar i NATO, përveç të tjerave.

Edi Rama i cilësoi thjesht sjellje teatrale rrjeshtimin e tankeve dhe blindave serbe në kufirin e Kosovës dhe fluturimet armiqësore të avionëve serb mbi atë kufi?, shkruan Nishani në rrjete sociale.

Kësisoj, sipas Nishanit, Kryeministri i Shqipërisë e konsideron argëtim rekreativ (siç është teatri) prezencën dhe deklaratat e ambasadorit rus (dmth Rusisë) përkrah tankeve e avionëve serb në kufirin e Kosovës.

?A e di Edi Rama se çfarë situatash psikologjike dhe institucionale ngjallin këto akte të rënda provokimi ushtarak tek qytetarët dhe shteti i Kosovës, të cilët i kanë ende të pa mbyllura plagët e masakrave të luftës dhe gjenocidit serb mbi popullatën e pambrojtur civile atje ?

A e kupton dot Edi Rama se çfarë urrejtje nxisin këto akte agresive tek popullata serbe ndaj shqiptarëve?

Edi Rama e konsideron këtë situatë provokuar nga A. Vuçiç thjesht një teatër, (në teatër njerëzit shkojnë për kënaqësi e rekreacion). ËTF !?, shkruan më tej Nishani.

Ai më tej thotë se askush nuk priste e nuk kërkon që Edi Rama të nxiste më tej urrejtjen dhe konfliktin e as të shpallte gadishmëri për luftë nga Shqipëria, por Edi Rama as nuk guxon e as e ndjen që të dënojë aktet provokative dhe luftë-nxitëse të A. Vuçiç.

?Në vend që Shqipëria të ndërrmarr çdo hap për izolimin politik e diplomatik të A. Vuçiç dhe të mbyllë të gjitha lehtësirat tregtare që E. Rama i ka siguruar Serbisë në territorin dhe portet shqiptare, ky i fundit vijon të vetpërdoret si gjethe fiku për sjelljet agresive e destabilizuese të Serbisë.

Në një kohë kur Presidenti i Kroacisë, Presidenti i Malit të Zi, anëtarët boshnjak dhe kroat të Presidencës së Bosnje & Herzegovinës, Presidentja e Kosovës, po denoncojnë publikisht e ndërkombëtarisht A. Vuçiç si kërcënues serioz i stabilitetit rajonal e luftënxitës, i vetmi avokat i tij mbetet Edi Rama i Shqipërisë.

Edi Rama i konsideroi dje nga Prishtina, qytetarët serb në veri të Kosovës si pengje prej ndalimit të dialogut Kosovë-Serbi, duke vënë shenjën e barazimit në pergjegjësi midis A. Kurtit dhe A. Vuçiç.

Me këtë qasje, mund të kuptohet fare mirë se çfarë ndjeshmërie, perceptimi e vleresimi ka Edi Rama ndaj Kosovës e qeverisë së saj.

Ai nuk le rast pa e demonstruar atë?, përfundon reagimin Nishani./CNA.al