E fundit!

10:35 Live Updates

Hijet e Erion Veliajt në protestë

Veliaj përmes Arta Dades refuzon “antimiti...

Zhiru karikon milanistët: Me Ibrën festojmë titullin, ja sa gola do shënoj këtë sezon

27 Shtator 2021, 13:19, Sport CNA

45 minuta për Milanin në kampionat me zellin, por jo prurjen e zakonshme. Olivie Zhiru ngroh motorët për ndeshjen e nesërme me Atletikon e Madridit, ndërkohë që gjen kohë edhe për një intervistë për bashkëkombasit e ?Telefoot?.

Si po shkon përshtatja juaj në Milano?

Kishin ndodhur shumë gjëra në muajt e fundit dhe zgjedhja ime nuk u luhat. Kam qenë gjithmonë tifoz i Milanit që nga koha kur luanin Papeni, Barezi apo Van Basteni. Nuk është se më kishin kërkuar 15 klube të tjera, megjithatë për mua është krenari firma me kuqezinjtë.

Po pritja në ekipin e ri si ka qenë?

E mrekullueshme. Si të isha në familje. Debutimi shkoi mirë dhe ndjehem komod me shokët e rinj. Të gjithë kemi etje për të fituar diçka me këtë fanellë.

Çfarë emocionesh ndjetë pas golit të parë si kuqezi?

Kisha që në mars që nuk shënoja dhe ndjesia ishte e mrekullueshme. U ndjeva sikur po luaja ndeshjet e para të karrierës. Sinqerisht as nuk e imagjinoja se do të shkonte aq mirë.

Me Ibrahimoviçin si i keni raportet?

Zlatani është një monument. Brezat e rinj presin që të na heqin qafe, por ne do të konkurrojmë në stërvitje me njëri-tjetrin e pastaj zgjedhjet do t?i bëjë trajneri. Natyrisht, shpresoj të shënoj ndonjë gol më tepër se Ibra.

Sa gola premtoni të shënoni sivjet?

Rreth 15, të paktën kjo është shifra që hipotetizoj. Nëse i luaj të gjitha ndeshjet mund t?ia dal.

Mendoni se mund ta fitoni titullin me Milanin?

E shpresoj. Kemi cilësi dhe shumë të rinj të talentuar. Mendoj se sivjet mundësitë për trofe janë të larta, sidomos duke parë grupin që kemi. Është një synim i qartë dhe i saktë për të gjithë grupin.

Çfarë kujtimesh keni nga kampionati anglez?

Kampionati anglez më pëlqente shumë. Por në një moment na duhej të merrnim një vendim. Tre muajt e fundit që jetova në Angli kanë qenë shumë të vështira, sidomos pasi i thashë trajnerit, Tomas Tuhel se kisha nevojë për diçka tjetër.

Kështu që për mua ishte e qartë të largohesha nga Çelsi. E ktheva faqen, me emocion dhe momente të bukura të kaluara. Disa të mira, disa më pak të mira, por prapë lashë pas tre trofe të bukur.

Përse nuk ju grumbulloi Deshampsi në kombëtare?

U habita disi, sidomos sepse nuk më kishin njoftuar. Nuk besoj se kombëtarja e ka kapërdirë eliminimin nga Europiani, por duhet të shohim përpara.

Të gjithë jemi më të lumtur kur zbresim në fushë për të ndihmuar ekipin konkretisht. Nuk e di a do të grumbullohemi përsëri, gjithsesi nuk shqetësohem. Nëse trajneri ka nevojë për mua, atëherë do të mundohem të bëj më të mirën për ekipin. Dua t?i afrohem edhe më tepër numrit të golave të Tierri Henrit, por se si do të shkojë do të na e thotë vetëm koha.