LEXO PA REKLAMA!

SHKARKO APP

Erion Braçe ose "fenomeni mushkonja"/ Pesticidet e munguara dhe bankomati i sahatëve

7 Shtator 2021, 07:11, Politikë CNA

Erion Braçe nuk po e përballon dot ngarkesën psikologjike, pas largimit nga posti i zv.kryeministrit.

Ndoshta ka menduar se ka lindur i tillë. Deri pak kohë më parë, e ?shiste? veten si një burrë i ndershëm dhe menaxher i madh.

Gjithësesi kur u provua në detyrë, si administrator, pra si zv.kryeministër, duket se do mbahet mend vetëm për nja dy gjëra.

Ndoshta do mbahet mend për sherret në rrjetet sociale, si ?i fortë?, me fjalor vulgar me qytetarët, apo në tifoz ekstrem, ndoshta nën nivelin e asaj që i takon ?Partizanit?.

Këto dy gjëra deri diku mund të diskutohen.

E pra, po të shikosh fotot e Braçes nga dita që ka ikur, duke pretenduar se ka dhënë dorëheqjen, megjithëse mesa duket e kanë ?përzënë me shqelma?, na nxjerr një foto me tërmetin.

Se çfarë lidhje ka pasur Erion Braçe me tërmetin, apo se çfarë ka bërë ai për tërmetin, këtë e dinë të gjithë shqiptarët. E sidomos ata në Durrës. Ku ka qënë më pak prezent sesa në ndeshjet me Partizanin, ku ai shkon shpesh dhe shan arbitrat nga ?robt e shpisë?.

Ehh ka shumë për të thënë mbi fotot dhe meditimin që vjen nga ato që ai publikon.

Për shembull fotoja me perëndimin dhe me bankomat. Çfarë të kujton ajo?

Perëndimin e karrierës së tij? Apo perëndimin që lidhet me bankomatin e kolaudimit të matësave të energjisë elektrike apo sahatë që i quan rëndom populli, i cili paguan më shumë për kolaudim sesa për energjinë që harxhon?

Dikush mund të thotë se është dhe një bankomat i lidhur me pesticidet e skaduara të ardhura nga Kina.

Ka shumë shpjegime bankomati dhe Perëndimi. Ndoshta i kanë perënduar këto të dyja. Ndoshta i ka perënduar ndonjë bankomat tjetër.

Por, askush të mos ketë hallin se i perëndoi bankomati i rrogës që i kalonte si zv.kryeministër, se atë do vazhdojë ta marrë si deputet.

Ky është një meditim i vogël i dërguar redaksisë tonë, në lidhje me fotot e Erion Braçes, publikuar në rrjetet sociale, pasi është larguar nga posti i zv.kryeministrit.

Ditët në vijim do të sjellim të tjera publikime në lidhje me ?të madhin? e socialistëve, të vetmin dhe të papërsëritshmin në llojin e vet, Erion Braçe. Ose i njohur dikur nga gazetat shqiptare ?fenomeni mushkonja?./CNA.al

Lajmet e fundit nga