LEXO PA REKLAMA!

SHKARKO APP

Rritja e rasteve nga Covid-19/ Kosova shtrëngon masat në kufi

29 Gusht 2021, 16:32, Kosova & Bota CNA

Drejtoria Vendore e Kufirit dhe Migracionit Kukës ka dhënë detaje mbi masat e reja anti-Covid që kanë hyrë në fuqi në Kosovë, për shkak të përkeqësimit të situatës nga Covid-19.

Sipas njoftimit, Kosova do të kërkojë test anti-covid negativ dhe vërtetim vaksinimi për çdo person që kërkon të hyjë në territorin e saj duke filluar nga dita e nesërme, 30 gusht.

Duke filluar nga data 30 gusht 2021 deri më datë 13 shtator 2021, çdo person i cili hyn në Republikën e Kosovës,  duhet të posedojë një nga dëshmitë e mëposhtme:

-Certifikatën e vaksinimit të plotë ose marrjen e një doze të vaksinës kundër COVID-19.

-Testi RT-PCR negativ për COVID -19, vlefshmëria  jo më shumë se 72 orë nga bërja e testit.

-Dëshmi se personi ka kaluar COVID-19 (test RT-PCR pozitiv i lëshuar jo më pak se 21 ditë dhe jo më shumë se 180 ditë ose rezultat pozitiv i testit të antitrupave serologjik-IgG, i lëshuar para 30 ditëve.

-Test i shpejtë antigjen negativ, vlefshmëria  jo më shumë  se 48 orë nga bërja e këtij testi.

Nga këto kërkesa përjashtohen personat të cilët hyjnë në Kosovë përmes aeroportit apo përmes pikave kufitare tokësore dhe largohen nga vendi brenda 3 orëve, ata që punojnë si transportues, shtetasit e Kosovës që kanë dalë nga vendi në 12 orët e fundit dhe qytetarët e huaj që kalojnë tranzit./CNA.al

Lajmet e fundit nga