web counter
LEXO PA REKLAMA!

SHKARKO APP

App Store
Google Play

Nëntë futbollistë nga kampionati shqiptar, Alban Bushi zbardh listën për ndeshjen ndaj Çekisë

27 Gusht 2021, 09:48, Sport CNA

Trajneri i Kombëtares U-21, Alban Bushi, ka shpallur listën me emrat e 22 lojtarëve që do të grumbullohen për ndeshjen Republika Çeke?Shqipëri, që luhet më datë 6 shtator (ora 18:00) dhe është e vlefshme për Kampionatin Europian 2023 për moshën U-21. Shqipëria është në Grupin G së bashku me Anglinë, Republikën Çeke, Slloveninë, Andorrën dhe Kosovën.

Tekniku kuqezi do të ketë në dispozicion grupin e plotë, që ishin të grumbulluar edhe për sfidën e parë të eliminatoreve ndaj Andorrës në qershor, ndeshje që u fitua nga Shqipëria U-21 në transfertë 3-0.

9 nga lojtarët e grumbulluar luajnë në kampionatin shqiptar, ndërsa pjesa tjetër aktivizohen me klube të huaja ndër të cilët janë Kristjan Asllani i Empolit, Anis Mehmeti i Wycombe, Armando Dobra i Ipswich, Angelo Ndrecka i Lazios, Bernard Karrica i Rijekës, etj. Në listën është edhe Dijar Nikqi, sulmuesi i talentuar 17-vjeçar që ka bërë paraqitje të mira me fanellën kuqezi së fundmi e që është lojtar i perspektivës.

Kombëtarja U-21 do të nisë grumbullimin më datën 29 gusht në Elbasan dhe pas rreth 6 ditësh përgatitje intensive, më datë 4 shtator do të udhëtojë drejt Republikës Çeke për ndeshjen e datës 6 shtator.

Një muaj më pas Kombëtarja U-21 do të luajë dy ndeshje në shtëpi, më konkretisht më 7 tetor ndaj Andorrës dhe më 11 tetor ndaj Sllovenisë.

Në nëntor kuqezinjtë kthehen të luajnë jashtë fushë teksa më 12 nëntor 2021 përballen me Slloveninë dhe më 16 nëntor 2021 luajnë në Kosovë në ndeshjen e fundit të këtij viti. Më 25 mars 2022, Shqipëria do të presë Republikën Çeke në shtëpi dhe vetëm 4 ditë më pas (29 mars 2022) do të sfidojë ekipin më të fortë të grupit, Anglinë, po në fushën tonë.

Në qershor do të luhen edhe dy sfidat e fundit të Grupit G për ekipin tonë kombëtar U-21. Më 7 qershor 2022 Shqipëri është e impenjuar në transfertën e Anglisë dhe më 14 qershor 2022 luan ndeshjen përmbyllëse në shtëpi ndaj Kosovës.





Lajmet e fundit nga