web counter
LEXO PA REKLAMA!

SHKARKO APP

App Store
Google Play

E fundit!

x

Facebook bllokon të gjitha përmbajtjet e lidhura me talebanët

17 Gusht 2021, 13:58, Tech CNA

Facebook ka konfirmuar se i konsideron talebanët një organizatë terroriste dhe kështu ndalon grupin dhe të gjithë përmbajtjen që e mbështet atë nga platformat e tij.

Sipas mediave të huaja,  gjiganti i teknologjisë thotë se ka një ekip të dedikuar ekspertësh afganë për të monitoruar dhe hequr përmbajtjet e lidhura me talebanët.

Për vite me radhë, talebanët kanë përdorur mediat sociale për të përhapur mesazhet e tyre.

Por pushtimi i shpejtë i Afganistanit ngre sfida të reja për firmat teknologjike se si të merren me përmbajtjen e lidhur me grupin.

?Talebanët janë të sanksionuar si një organizatë terroriste sipas ligjit amerikan dhe ne i kemi ndaluar ata nga shërbimet tona sipas politikave tona të Organizatës së Rrezikshme. Kjo do të thotë që ne heqim llogaritë e mbajtura nga ose në emër të talebanëve dhe ndalojmë lavdërimin, mbështetjen dhe përfaqësimin e tyre?, ka thënë një zëdhënës i Facebook për BBC.

?Ne gjithashtu kemi një ekip të përkushtuar të ekspertëve të Afganistanit, të cilët janë folës amtare të Dari dhe Pashtos dhe kanë njohuri për kontekstin lokal, duke na ndihmuar të identifikojmë dhe paralajmërojmë për çështjet e reja në platformë?.

Facebook theksoi se politika zbatohet për të gjitha platformat e saj, përfshirë rrjetin e saj kryesor të mediave sociale, Instagram dhe WhatsApp./ CNA.al





Lajmet e fundit nga