E fundit!

22:33 Kronika

Përplasen dy automjete në zonën e "Xhamllikut" në Tiranë/ Policia në vendngjarje

Një aksident rrugor ka ndodhur mbrëmjen e sotme në rrugën ...

8 projektet e financuara me 570 mln euro borxh të jashtëm

10 Gusht 2021, 10:39, Ekonomi CNA

Nga fillimi i vitit 2020 deri në 6 mujorin e parë të vitit 2021 qeveria shqiptare ka nënshkruar 570 milionë euro borxh të jashtëm që shkoi kryesisht në 8 drejtime që përfaqësojnë projekte të investimeve në infrastrukturë.

Të dhëna të detajuara të regjistrit të borxhit në Ministrinë e Financave tregojnë së gjatë dy viteve të fundit nga rreth 570 milionë euro borxh i ri i jashtëm i nënshkruar me institucione financiare dhe qeveri, më pak se gjysma rreth 200 mln euro ishin si mbështetje kundër pandemisë. Në këto financime nuk përfshihet shuma prej 650 milionë eurosh që u mor nëpërmjet emetimit të një Eurobondi vitin e kaluar.

Kredia më e fundit është një hua prej rreth 100 milionë eurosh e nënshkruar me BERZH për Agjencinë Shqiptare të Sigurimit të Depozitave. Linja e kredisë është e garantuar plotësisht nga qeveria e Shqipërisë, do të sigurojë likuiditet rezervë pas ndikimit të rëndë të pandemisë Covid-19 në ekonomi. Fondet do të jenë në dispozicion për të kompensuar depozituesit e siguruar, duke siguruar klientët e bankave komerciale dhe private.

Më herët në prill të vitit 2021 një kredi prej 25 milionë eurosh u nënshkrua me Arabinë Saudite për Rehabilitimi dhe Rindërtimi i Rrugës Bregdetare Vlorë-Orikum.

Në janar të vitit 2021 qeveria e Shqipërisë nënshkroi një hua me IBRD prej 80 milionë dollarësh, e cila do të përdoret për politikat e zhvillimit të qëndrueshmërisë fiskale dhe rritjes ekonomike i BRD.

Në dhjetor të vitit 2020 qeveria nënshkroi një kredi prej 80 milionë erosh Kfw gjermane për furnizimin me ujë të zonave rurale.

Më 15 tetor 2020 qeveria nënshkroi një kredi Bankën Botërore prej 15 milionë eurosh si mbështetje për përballimin e emergjencës së covid-10.

Me 4 nëntor 2020 u nënshkrua një kredi prej 180 milionë eurosh me Komisionin Europian si mbështetje për buxhetin e shtetit, kryesisht për përballimin e pasojave të pandemisë.

Me herët para fillimit të pandemisë në shkurt të vitit 2020 qeveria nënshkroi një hua prej 50 milionë dollarësh me BERZH për financimin e rrugëve sekondare lokale.

Ndër vite shumica e kredive të huaja kanë shkuar për fuqizimin e infrastrukturës rrugore dhe furnizimit me ujë, ndërkohë që janë ulur dukshëm huatë të dedikuara sektorët e arsimit dhe të shëndetësis që fuqizojnë në mënyrë të drejtpërdrejtë kapitalin njerëzor./Monitor