LEXO PA REKLAMA!

SHKARKO APP

Autoritetet paralajmërojnë rrezik të lartë për zjarre në 10 qarqe të vendit

31 Korrik 2021, 15:16, Aktualitet CNA
Autoritetet paralajmërojnë rrezik të lartë për zjarre

Autoritetet shqiptare kanë paralajmëruar sot se dhjetë nga dymbëdhjetë qarqet e vendit rrezikojnë të përfshihen nga zjarret si rrjedhojë e temperaturave të pazakonta të dielën.

Lajmërimi bëhet teksa në zonën e Rivierës ka rreth një javë që nuk arrihet të vihet nën kontroll një zjarr masiv.

Instituti i Gjeoshkencave, Energjisë, Ujit dhe Mjedisit (IGJEUM), paralajmëroi në buletinin e së shtunës,  ? kliko këtu për të shqyrtuar dokumentin e plotë,  ? se duke nisur nga pasditja e sotme dhjetë qarqe do të paraqesin rrezikshmëri të lartë për t?u përfshirë nga flakët.

Meteoalb ka parashikuar që temperaturat të shkojnë deri në 42 gradë celsius këtë fundjavë ku Gjirokastra, Berati dhe Elbasani pritet të jenë zonat më të nxehta.

Në buletinin e saj IGJEUM thotë se vetëm qarku Dibër dhe Durrës ka ?rrezik të moderuar? për zjarre, ndërsa 10 qarqet e tjera të vendit kanë ?rrezik të lartë?.

Prej rreth një jave gadishulli i Karaburunit në Vlorë është përfshirë nga zjarre masive. Drejtoresha e Zonave të Mbrojtura në Vlorë, Lorela Lazaj tha për mediat se nga flakët mund të jenë djegur rreth 500 hektarë bimësi.

Ngjashëm në zjarre është përfshirë edhe kodra përballë detit në hyrje të Ksamilit. Autoritetet lokale u munduan ta vinin në kontroll mbrëmjen e së premtes, por zjarri favorizohej nga era.

Për situatën e zjarreve ministria e Mbrojtjes ka angazhuar disa grupe ushtarake, mirëpo deri më tani nuk ka raportime për përmirësim të situatës.

Në shumë raste zjarret janë të qëllimshme, por në kushtet e thatësirave dhe temperaturave si këto të ditëve të fundit nuk përjashtohet mundësia që ato të jenë nisur vetë.

Aktualisht Kontrolli i Lartë i Shtetit ka nisur të shqyrtojë të gjitha hallkat e strukturave të reagimit kundër zjarrit./euronews

Lajmet e fundit nga