web counter
LEXO PA REKLAMA!

SHKARKO APP

App Store
Google Play

Policia e Korçës bën “kërdinë”/ Prangosen zyrtarë dhe ish-zyrtarë, zbulohen emrat

15 Korrik 2021, 08:06, Politikë CNA

Policia e Korçës bën të ditur se ka finalizuar operacionin e koduar “Kontrata”, në kuadër të të cilit janë vënë në pranga zyrtarë dhe ish-zyrtarë të Postës Shqiptare në Korçë.

Operacioni është zhvilluar për goditjen e veprimtarisë kriminale ne fushën e falsifikimit të dokumenteve dhe shpërdorimit të detyrës.

Burimet për CNA.al bëjnë të ditur se në pranga ka rënë Valter Gora (ish Drejtor i Postës Korçë) dhe Albano Bibo (ish specialist sigurie), për të cilët Gjykata e Rrethit Gjyqësor Korçë me vendim të datës 06.07.2021, kishte caktuar masën e sigurisë ?Arrest në burg?, për veprat penale ?Shpërdorimi i detyrës? dhe ?Falsifikimi i dokumenteve?, kryer në bashkëpunim.

Gjithashtu është shpallur në kërkim S. M. (qytetar).

Ndërkohë, të njëjta burime, thanë për CNA.al se masë shtrenguese “Ndalim i daljes jashtë shtetit” është dhënë për shtatë punonjës të tjerë Adriana Koxheri, Kamela Myrte, Anila Koroveshi, Bardhyl Pane, Elona Galo, Bledian Çoçka, Ermira Morava.

Policia e Korçës bën të ditur se nga hetimet e kryera rezulton se nëntë shtetasit e mësipërm, duke ushtruar detyrat e tyre respektive pranë Postës Shqiptare në filialet Korçë, Pogradec dhe Maliq, në bashkëpunim me njëri-tjetrin, dyshohet se kanë falsifikuar dokumente duke kryer përcaktime subjektive të ofertave në dobi të shtetasve të ndryshëm, kanë firmosur kontrata fiktive me tejkalime afatesh, kanë nënshkruar kontrata abuzive për dhënie ambientesh me qira në funksion të këtij institucioni, prej të cilave ish-drejtori V. G., ka përfituar shuma të konsiderueshme, në mënyrë direkte ose indirekte. Në vijim të veprimeve procedurale është provuar se shuma totale e përfituar si paradhënie nga qiradhënësit është 23.535.000 lekë, shpenzim ky i paargumentuar mbi fondet e programuara të këtij institucioni./CNA.al

Falsifikuan dokumente, firmosën kontrata fiktive/ Arrestohen nëntë zyrtarë publik në Korçë





Lajmet e fundit nga