E fundit!

16:22 Aktualitet

Vrasja e policit në Maliq/ Hita: Nëse DVP Korçë do kishte kërkuar ndihmë do ishin marrë masa më të forta

Kreu i Policisë së Shtetit Skënder Hita ka zbarkuar në Kor...

Përplasja Rama-Meta/ “Shpërthen” ish-Presidenti: O të marrë, o të paturp

15 Korrik 2021, 07:44, Politikë CNA

Ish -Presidenti Bujar Nishani ka shenjëstruar Kryeministrin Edi Rama, për shmangien e Presidentit Ilir Meta, në ceremoninë dorëzimit të Flamurit Kombëtar dhe përcjelljen në lojrat olimpike të ekipit kombëtar të Shqipërisë.

?Edi Rama nuk ndalet në skandalet dhe nxirjen e imazhit dhe prestigjit të shtetit, injorimit të rregullave, institucioneve, dhunimit të kodeve, etikës dhe standarteve civile !

Kryeministri organizon ceremoninë e dorëzimit të Flamurit Kombëtar dhe përcjelljen në lojrat olimpike të ekipit kombëtar të Shqipërisë.

Ekipi shqiptar në Olimpiadë nuk përfaqëson Qeverinë o të pa turp, por shtetin, Republikën e Shqipërisë !

Në Republikën tonë, shtetin e përfaqëson Institucioni i Presidentit të Republikës.

Kryetari i Shtetit është Presidenti i Republikës, jo Kryeministri, o të marrë?, ka reguar Nishani në rrjete sociale.

Sipas tij, në të gjithë botën edhe në Shqipëri, tradicionalisht e historikisht ekipi olimpist kombëtar është përcjellë e i është dorëzuar Flamuri Kombëtar nga Kryetari i Shtetit.

?Ilir Meta mund të mos i pëlqejë Edi Ramës dhe Edi Rama mund të mos i pëlqejë Ilir Metës.

Të dy sëbashku mund të mos i pëlqejnë shumë e shumë të tjerëve, por shteti ka rregulla, ka kode, ka dinjitet !

Kultura e politizimit, kontrollit dhe sundimit monopartiak mbi gjithshka tashmë është një fakt i kryer në këtë vend.

E majta shqiptare e ka në model, e ka në kulturë, e ka në gjenezë, e ka në formim, e ka në gen monizmin!

As nuk heq dorë e as nuk di ndryshe, të sillet e performojë?, shkruan më tej Nishani.

Më tej Nishani shkruan se është trishtuese qënë këtë rast të turpshëm, nuk reagon askush, të paktën ta denoncojë partinë/shtet, se forca për ta luftuar është zhbërë prej kohësh !

?Media hesht, sportistët heshtin, elita hesht, akoma më skandaloze kur opozita hesht !

Jo thjesht për ceremoninë fyese ndaj shtetit por për dhunën politike të një sekti ndaj gjithkujt?, përfundon reagimin Nishani./CNA.al