web counter
LEXO PA REKLAMA!

SHKARKO APP

App Store
Google Play

E fundit!

x

Përgjimet-Në panik nga hetimet e SPAK/ Juristja e Bashkisë së Lushnjes e tmerruar në telefon

8 Korrik 2021, 12:52, Aktualitet CNA

Pas një viti hetimesh nga SPAK, kryebashkiaku i Lushnjes, Fatos Tushe dhe zyrtarë të tjerë të Bashkisë përfunduan në pranga dy ditë më parë.

Ata akuzohen për veprën penale të ?shpërdorimit të detyrës? lidhur me një tender të bashkisë së drejtuar prej tij.

Në mes të zyrtarëve të arrestuar janë edhe Flamur Peqini, drejtor i Ndërmarrjes së Pasurive Publike,  i cili akuzohet për ?shpërdorim detyre? në bashkëpunim dhe ?shkelje të barazisë së pjesëmarrjes në tendera apo ankande publike si dhe Blerta Turku, juriste e Ndërmarrjes së Pasurive Publike, e cila akuzohet për ?shkelje të barazisë së pjesëmarrjes në tendera apo ankande publike?.

CNA.al ka siguruar dosjen e SPAK, ku janë zbardhur përgjimet mes zyrtarëve.

Në një nga këto përgjime, zyrtarja Blerta Turku, duket tejet të shqetësuar, teksa flet me persona të afërm dhe me eprorin e saj, Flamur Peqini.

Pjesë nga përgjimi

 Blerta: Uaa do na marrin në pyetje ata të SPAK..e di si jam bërë?

Personi: Cfarë thua?! Për çfarë?!

Blerta: Për atë dosjen që morën..e di si jam bërë? Se vetëm ne që kemi vendosur kriteret do na pyesin..uaa do na marrë SPAK-u në pyetje?

 Biseda me drejtorin

Blerta Turku: Drejtor..se tani po vij te zyra unë..por ka ardhur një shkresë nga policia, nga SPAK-u për të na marrë në pyetje në datë 10..mua..Bardhin..Ilvën..ta firmos?

Flamur Peqini: Në datë 10..e mirë se po vij unë aty..ka ardhur shkresa aty? E mirë..se këtu jam unë me kryetarin./CNA.al





Lajmet e fundit nga