E fundit!

19:19 Kosova & Bota

I nxehti ekstrem në Greqi/ Qeveria urdhëron pezullim të detyrueshëm të punës për 4 orë në disa sektorë

Greqia ka ndërmarrë disa masa emergjente për mbrojtjen e p...

Prokurorët nuk pyesin më për Prokurorin e Përgjithshëm/ Olsian Çela “përplaset” me Gent Ibrahimin

7 Korrik 2021, 12:20, Aktualitet CNA

Numri një i organit të akuzës, Olsian Çela, është “përplasur” sot me kreun e Këhsillit të Lartë të Prokurorisë, Gent Ibrahimi, gjatë një takimi për drejtësinë.

Çela, ndërsa është ndalur tek zbatimi i rekomandimeve të Qeverisë, i është kundërpërgjigjur Ibrahimit, në lidhje me kompetencat.

Paraprakisht, kreu i KLP, deklaroi pafuqinë e Prokurorit të Përgjithshëm mbi prokurorët dhe veprimet e tyre.

?Në gjysmën tjetër të sistemit të drejtësisë, kompetencat qeverisëse ishin grumbulluar në duart e një njeriu të vetëm që ishte Prokurori i Përgjithshëm. Prokurori i Përgjithshëm nuk ishte veçse një guvernator fuqiplotë i politikës në sistemin e prokurorisë. Ai zgjidhej dhe shkarkohej me shumicë të thjeshtë nga parlamenti.

Një shumicë që e ka çdo qeveri që qeveris. Shërbente pa afat kushtetues dhe në kushtet e mungesës së plotë të llogaridhënies. Kjo e fundit vinte vetëm në formëen e një impeachment nga parlamenti, një proces politik i zbatuar nga një institucion politik si parlamenti. Sot prokurorët janë pjesëmarres aktivë në qeverisjen e sistemit në të cilin ata shërbejnë. Nëse në të shkuarën ata mbanin sytë lart nga pater familias (Prokurori i Përgjithshëm) nga i cili prisnin zgjidhjet për gjithçka, por edhe ndëshkimet, sot ata dominojnë KLP. Të dominosh KLP, do të thotë të marrësh në duart e tua fatet e karrierave të prokurorëve?, ka thënë paraprakisht Ibrahimi.

Nga ana tjetër, Çela nuk ka vonuar të kundërpërgjigjet, ndonëse në mënyrë jo të drejpërdrejtë, duke e shenjëstruar si Gent Ibrahimi, por duke iu referuar si KLP, si institucioni që ai drejton.

?Duhet të theksoj se institucionet tona kanë detyrimin e koordinimit dhe bashkërendimit të veprimtarisë së tyre, ndaj është thelbësore që Këshilli i Lartë i Prokurorisë, si organi përgjegjës për karrierën e prokurorëve, ashtu si dhe Prokurori i Përgjithshëm, të japin kontributin e vet në drejtim të përmbushjes së funksioneve kushtetuese të prokurorisë, përmes bashkërendimit të punës me Prokurorin e Përgjithshëm, i cili nga ana e tij ka detyrimin ligjor për të siguruar ushtrimin normal të kompetencave ligjore e kushtetuese të institucionit.

Bashkëveprimi i të dy institucioneve është i domosdoshëm për mbarëvajtjen e sistemit të prokurorisë në këto rrethana aspak normale. Komandimi I prokurorit të Eurojust apo koordinimi në rastin e emërimeve të magjistratëve të rinj, janë raste që tregojnë potencialet e qasjeve konstruktive në komunikimin ndërinstitucional?, është shprehur Çela.

Megjithëse Çela deri më tani nuk ka qëndruar duarkryq, kur ka marrë informacione se prokurorë të caktuar zvarrisin hetimet.

Ndaj ai përmendi sot këtë fakt, para kreut të KLP, duke i dhënë kështu një mesazh të qartë se nuk është i pafuqishëm.

?Nga fillimi i funksionimit të institucionit të Inspektorit të Lartë të Drejtësisë, në Shkurt 2020, është kërkuar nga Prokurori i Përgjithshëm hetimi disiplinor i 5 prokurorëve si dhe inspektimi tematik në disa prokurori?, është shprehur Çela./CNA.al