web counter
LEXO PA REKLAMA!

SHKARKO APP

App Store
Google Play

E fundit!

x

Kush e ka radhën?/ SPAK u tund prangat politikanëve

6 Korrik 2021, 10:52, Aktualitet CNA

Struktura e Posaçme Antikorrupsion ka nisur të vlojë. Pas arrestimeve për trafik droge, të një prokurori, drejtuesve dhe ish drejtuesve të policisë, zyrtarëve të tjerë publik, sot është zgjuar me një tjetër operacion.

Kryebashkiaku i Lushnjes, Fatos Tushe dhe 10 bashkëpunëtorë të tij janë arrestuar ditën e sotme nga SPAK, pasi janë të përfshirë në një tender abuziv të ditëve të fundit prej 24 mln lekët për rehabilitimin e kanalit ujitës

Mes të arrestuarve janë zyrtarë të tjerë të Bashkisë, mes tyre Gazment Çela, zv. drejtori i Ndërmarrjes së Pasurive Publike, Xhemal Hasko, përgjegjësi i ujit në bashkinë Lushnje, Blerta Turukum Bujar Murati si edhe 2 biznesmenët Ibrahim Lami dhe Bujar Murati.

Ndërkohë në ditët në vijim pritet të prangosen të tjerë zyrtarë publik.

Disa nga çështjet më të nxehta që  janë në Shqipëri, janë lidhje  me pronat, ndërtimet, tenderat e të tjerë.

Përveç këtyre, SPAK ka edhe dosje të tjera të bujshme

Kush e ka radhën?

CNA.al ka raportuar ditë pas dite në lidhje me hetimet që ka SPAK, me disa dosje të nxehta.

Në top listë qëndrojnë inceneratorët , ku mund të përfshihen zyrtarë të lartë të ish Qeverisë Rama, sot drejtues të Partisë Socialiste.

Ish- ministra të tjerë të Edi Ramës, të përfshirë në tendera korruptiv dhe koncensione.

Ka disa dosje të tjera të bujshme që po hetohen ditë pas dite, por vonesa mesa duket  ka ardhur për shkak të volumit të madh të dokumentacioneve.

Ditët në vijin pritet të jenë të nxehta, pasi politikanë, zyrtarë të lartë do të prangosen për të dhënë llogari para drejtësisë, më te cilën deri më tani kanë abuzuar./CNA.al





Lajmet e fundit nga