web counter
LEXO PA REKLAMA!

SHKARKO APP

App Store
Google Play

E fundit!

x

Magazina e hotelit si arsenal bombolash/ Rëndohet gjendja e dy të plagosurve në Velipojë

4 Korrik 2021, 06:49, Kronika CNA

Nga shpërthimi e disa bombulave në një hotel në Velipojë kanë mbetur të plagosur rëndë anëtarët e një familje, të cilët rezultojnë pronarë të biznesit.

Gazetarët nga terreni raportojnë se gjendja e të plagosurve është shumë e rëndë.

?Gjendja e të lënduarve është shumë, shumë e rëndë. Djegia 85-90%. Të gjithë janë një familje, në moshën prej 11 deri në 30 vjeçe, një fëmijë dhe tri gra. Janë nga Lezha dhe kanë ardhur te hoteli që kanë në Velipojë. Janë djegur nga bombola e gazit. Mbërritëm menjëherë policia, zjarrfikësi dhe ambulanca dhe i transportuam. Dy janë në Spitalin e Shkodrës, për dy të miturit pritet helikopteri, se janë në gjendje më të rëndë?, është  shprehur për News 24, një nga infermierët që ka mbërritur në vendngjarje.

Ndërkaq, kati i parë i hotelit ka përfunduar tërësisht i shkatërruar dhe nga ndërhyrja e shpejtë e policisë dhe forcave zjarrfikëse, të cilët kanë nxjerrë jashtë bombolat e gazit që ishin gati për shpërthim, është bërë e mundur që mos të zmadhohen përmasat e ngjarjes./CNA.al

 





Lajmet e fundit nga