E fundit!

17:17 Aktualitet

Konsultimet për ligjin antimafia/ Braho: Nëse zbatohet si duhet, nuk ka nevojë për rregullime

Kreu i Prokurorisë së Posaçme, Klodjan Braho ka marrë pjes...

Ardi Veliu, Drejtori mashtrues i Policisë/ Cilin trafikant droge po mbron?

3 Korrik 2021, 14:35, Aktualitet CNA

Dje tërë ditën, duke filluar që nga 7 e 30 e mëngjesit e deri në mbrëmje, mediat u ?pushtuan?, nga një operacion ndërkombëtar anti-drogë, ku merrte pjesë edhe policia shqiptare dhe SPAK-u.

Deri këtu s?ka asgjë të keqe, pavarësisht se ata bëjnë punën e tyre, se për këtë gjë paguhen. Por, atë që e trumbetuan si sukses, u rezultoi një skandal në mbrëmje.

Drejtori i Policisë, që ndryshe njihet edhe si ?Drejtori i morgut? Ardi Veliu, doli në media dhe gënjeu e mashtroi paturpësisht jo vetëm ata që i cilësuan si bashkëpunëtorë, si anti-mafian italiane, DEA-n amerikane apo Eurojust, po mbarë opinionin publik.

?Pas një pune disa vjeçare, gati 3 vite, ku policia ka qenë aktive, sot kemi finalizuar ekzekutimin e 18 urdhër arresteve, si pjesë e këtij grupi kriminal?, tha dje Veliu dhe më pas në media dolën emrat e personave që sipas tij ishin arrestuar.

Në listën e të arrestuarve ndodheshin edhe emrat e dy shtetasve Paul Agustin Gega dhe Hekuran Marku, ish-shoqërues të Ministrit të Brendshëm Saimir Tahiri. (Lexo këtu)

Por, në fakt Paul Agustin Gega rezultonte i lirë dhe për më tepër nuk gjendej fare në Shqipëri, ndërsa Hekuran Marku në arrati.

Ishte gazetarja Klodiana Lala që informoi opinionin publik për këtë skandal, pasi Paul Agustin Gega e kishte telefonuar, duke i thënë se nuk ndodhej në Shqipëri dhe se ishte i gatshëm të përballej me drejtësinë.

?Policia e Shtetit e çoi në pranga tërë ditën. Tani, këta o janë të paaftë ose po përpiqen të fshehin ndonjë gjë të madhe shumë. E dyta herë që Policia kapet në flagrancë duke gënjyer. Hekuran Marku një tjetër ish-pjesëtar i grupit të shoqërimit të ish-Ministrit të Brendshëm është po në arrati… Ard Veliu hiq kapelen?, shkruan Lala në rrjete sociale.

Nuk janë të pakta skandalet dhe gënjeshtrat e Ardi Veliut në krye të Policisë së Shtetit.

Me gjithë skandalet dhe bëmat që ai mbart, të lë të dyshosh se po mbron ndonjë aferë të madhe kriminale derisa qëndron ende në krye.

Përgjegjësi morale duket se nuk ka. E ka treguar me kohë këtë. Ardi Veliu, përvçse si ?drejtor morgu?, do të mbahet mend edhe si drejtori i bëmave dhe i skandaleve në shërbim të politikës.

Politika duket se e ka ç?burrëruar, saqë nuk nuk njeh më përgjegjësi morale se ligjore jo e jo.

Në ditët në vijim do t?ia radhisim të gjitha skandalet që ka regjistruar si drejtues i Policisë së Shtetit, por aktualisht do të ndalemi tek mashtrimi dhe gënjeshtra, me atë që ai e quajti trafikant droge./CNA.al