web counter
LEXO PA REKLAMA!

SHKARKO APP

App Store
Google Play

Prej 5 ditësh aktiv/ Zjarri në Malin e Tomorrit shkrumbon 23 hektarë pyje

2 Korrik 2021, 14:45, Aktualitet CNA

Prej 5 ditësh zjarri në Malin e Tomorrit, vijon të shkrumbojë hektarë me pyje.

Burimet zyrtare nga ADZM Berat konfirmojnë se deri më tani janë djegur rreth 23 hektarë pyll me pisha si dhe janë djegur disa vendbanime të kafshëve të egra.

Në ndihmë për fikjen e zjarrit, kanë shkuar banorëve të fshatrave përreth sakaq janë dërguar edhe helikopterë.

Drejtori i Agjencisë së Zonave të Mbrojtura në Berat, Fatos Nako tha se vatra e zjarrit që është aktive aktualisht është në 1700 metra lartësi në pjesën veriore të parkut kombëtar, zonë e mbrojtur.

“Zjarri në malin e Tomorit vijon prej 5 ditësh. Vatra e zjarrit që është aktive aktualisht është në 1700 metra lartësi në pjesën veriore të parkut kombëtar, zonë e mbrojtur. Janë djegur disa hektarë me pisha, por një shifër të saktë nuk e kemi ende. Terreni është mjaft i vështirë, kemi ndërhyrë me forca të zjarrfikëses dhe të ushtrisë, për të izoluar pasi për të shuar flakët është e vështirë nga toka. Ndërsa një helikopter i Emergjenca Civile është ngritur në ajër për të hedhur ujë, ka shkarkuar sot rreth 17 kova. Edhe për helikopterin ka vështirësi për shkak të shkëmbinjve…”, është shprehur ai në një lidhje me report tv./CNA.al

 





Lajmet e fundit nga