E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Ngjarja e Velipojës/ Krimineli është zyrtari që priti pazar për shezlong-ët

27 Qershor 2021, 09:39, Aktualitet CNA

Prap u vranë 4 vetë! Për shezlog-ët thonë të gjithë!

Midis tyre, një djalë i ri që e vetmja gjë që e lidhte ne shezlong-ët ishte fakti që i sistemonte në rërë e paguhej për aq muaj sa pushuesit kanë nevojë për to.

Të gjithë burimet flasin e citojnë “fajin” e shezlong-ëve në këtë histori!

Të gjithë citojnë shezlong-ët.

Sot lajmet janë që po thirren në polici anëtarë të dy familjeve për tu pyetur për objektin e sherrit.

Me stilin “thirr sa më shumë që të dukesh sikur po punon shumë”, policia po bën sikur do të kapë fajtorët.

Por kush janë fajtorët e vërtetë?

Ata që shtynë palët në një vetgjyqësi absurde për numra shezlong-ësh?

Sezoni turistik në Velipojë ka gati 1 muaj që është hapur.

Që prej të paktën një muaji, palët duhet të kishin marrë nga pushteti lokal, aktet që ju përcaktonin kufijtë e shfrytëzimit të plazhit.

Babai i dy vëllezërve të vrarë deklaron që po prisnin që tu përcaktohej kufiri i shfrytëzimit të plazhit.

Kjo do të thotë që dikush apo disa nuk kanë bërë detyrën.

Nëse duhej leja që përcaktonte kufijtë e shfrytëzimit të plazhit, atëherë zyrtari që nuk ka lëshuar këtë leje i ka lënë vend vetgjyqësisë. E ka lënë që të drejtën ta vendosë më i forti, më i armatosuri apo ai që do e paguante më shumë.

Nëse të dyja palët ishin abuziv dhe askujt nuk i takonte e drejta e shfrytëzimit të një plazhi që duhet të destinohej për publikun, atëherë vepra penale ka emrin e zyrtarit të policisë që e la që të drejtën ta vendosë më i forti, më i armatosuri apo ai që do e paguante më shumë.

Sot nuk mund të thirren në polici viktimat.

Sot duhet të fillojë ndjekja penale për zyrtarin që i yshti palët drejt konfliktit.

Ose le të marrin e të dënojnë shezlong-ët.

Pasi kush mbante armën ose u vra, ose atë armë ja mbushi zyrtari që e yshti drejt konfliktit për ca shezlong-ë të qelbur.

Ai është krimineli! Dhe me siguri nuk quhet “Shezlong”./CNA.al