web counter
LEXO PA REKLAMA!

SHKARKO APP

App Store
Google Play

Terrori në Velipojë/ Meta apel Policisë: Po vihet në rrezik jeta dhe shëndeti i dhjetëra qytetarëve, merrni masat

27 Qershor 2021, 08:47, Aktualitet CNA

Ngjarja e rëndë që ka ndodhur në orët e para të mëngjesit të sotëm në Velipojë, ku mbetën të vrarë katër persona dhe dy të tjerë u plagosën, ka sjellë reagimin e zyrtarëve në vend.

Presidenti Ilir Meta përmes një postimi në rrjetin social Facebook, i ka bërë thirrje Policisë së Shtetit dhe strukturave të tjera që të marrin menjëherë masat dhe të parandalojë në kohë veprat e rënda penale.

Meta shton se jeta dhe shëndeti i dhjetëra qytetarëve është në rrezik, ndërsa thekson se këto ngjarje në sezonin turistik dëmtojnë imazhin e Shqipërisë dhe largojnë turistët vendas dhe të huaj.

?Përplasja me armë zjarri në Velipojë, me 4 viktima dhe 2 të plagosur, është një tjetër ngjarje tronditëse, që kërkon hetim të plotë të rrethanave dhe shkaqeve.

Prej kohësh i kam bërë thirrje, në mënyrë të vazhduar, Policisë së Shtetit dhe strukturave të tjera të sigurisë dhe të zbatimit të ligjit, të angazhohen maksimalisht për të mbajtur nën mbikqyrje territorin e vendit, që paraqet rrezik të shtuar për konflikte, me qëllim parandalimin në kohë të këtyre veprave të rënda penale.

Konfliktet me armë zjarri, që konsumohen në ambiente publike dhe në kulmin e sezonit turistik, vënë në rrezik jetën dhe shëndetin e dhjetëra qytetarëve, por nga ana tjetër dëmtojnë seriozisht imazhin e Shqipërisë tek turistët vendas dhe të huaj.

Plazhet dhe qendrat e qyteteve tona nuk e meritojnë t’i ngjajnë shesh-betejave të “Ëild Ëest”.

Ndaj në këtë situatë, që duket se ka dalë jashtë kontrollit dhe që çdo ditë prodhon fatkeqësisht viktima, secili autoritet i lartë shtetëror duhet të mbajë përgjegjësitë e tij të detyrës dhe të heqë dorë nga propaganda cinike, që nuk mund të mbulojë të vërtetat, që i shohim të gjithë.

Rendi dhe siguria publike është dëmtuar seriozisht dhe kërkojnë masa të reja efektive për garantimin e tyre, me qëllim mbrojtjen e jetës, shëndetit dhe të pronave të qytetarëve?, shkruan Meta./CNA.al





Lajmet e fundit nga