web counter
LEXO PA REKLAMA!

SHKARKO APP

App Store
Google Play

E fundit!

x

Humbi jetën nga shkëmbimi i zjarrit/ Arbër Hajdari shkon nesër pranë familjes së 20-vjeçarit

27 Qershor 2021, 20:48, Aktualitet CNA

Drejtuesi i ?Fundjavë Ndryshe?, Arbër Hajdari, ka reaguar lidhur me vrasjen e 20-vjeçarit Musaen Zeneli, i cili mbeti viktimë nga shkëmbimi i zjarrit në Velipojë.

Hajdari thotë se familja e të riut është në kushte të vështira ekonomike, ndaj tregon se ka vendosur të shkojë pranë tyre.

Me anë të një statusi në rrjetet sociale, ai deklaron se nesër do të shkojë në Shkodër dhe do të bëhet krah për familjen Zeneli, e cila ka pësuar dy humbje.

?Musaen Zeneli, viktima më e pafajshme që mbeti i vdekur në masakrën e Velipojës, vjen nga një familje e varfër.

I riu e kishte humbur të atin para disa vitesh dhe kishte mbetur vetëm me të ëmën e të vëllanë, Erdisin.

Ai jetonte në Bahçallak dhe këtë verë kishte vendosur të punonte për të ndihmuar familjen e tij. Edhe pse i sëmurë, Musaen Zeneli gjeti punë si kamarier.

Në xhep iu gjetën vetëm 30 lekë të vjetra, ndërsa nëna e tij tashmë nuk ka mundësi që të përballojë as shpenzimet e funeralit të djalit të saj që shënoi humbjen e dytë në familje.

Nesër do të jem në Shkodër, për të qënë afër nënës dhe vëllait të tij. Do mundohemi të bëhemi krah për familjen, për çdo gjë që kanë nevojë!

Qofsh i parajsës Musaen?, shkruan drejtuesi i ?Fundjavë Ndryshe?./ CNA.al





Lajmet e fundit nga