web counter
LEXO PA REKLAMA!

SHKARKO APP

App Store
Google Play

Policia arreston Dhurata Saliajn/ Ja akuza që rëndon mbi të

4 Qershor 2021, 20:52, Aktualitet CNA

Policia ka dalë mbrëmjen e sotme me një njoftim zyrtar, ku ka bërë me dije se ka arrestuar Dhurata Saliajn, pasi akuzohet si bashkëpunëtore me babain e saj Mexhit Picari për vrasjen e ish bashkëshortit pranë Gjykatës së Tiranës.

?Vihet në pranga bashkëpuntorja e autorit të vrasjes së shtetasit K. S. dhe të plagosjes së shtetasit A. C.

Në vijim të informacionit të dhënë më parë për kapjen dhe arrestimin e autorit të ngjarjes, shtetasi Mexhit Picari, Specialistët për Hetimin e Krimeve të Rënda ndaj Jetës në vazhdimësi të hetimeve të kryera nga grupi hetimor bënë të mundur arrestimin e shtetases:

Dh.S., 33 vjeçe, banuese në Tiranë.

Shtetasi M. P., 53 vjeç, i arrestuar po sot nga Policia dyshohet se në bashkëpunim me shtetasen DH. S, ( vajzën e tij) janë autorë e ngjarjes se ndodhur, ku mbeti  i vrarë me armë zjarri shtetasi K. S. (ish-bashkëshorti i shtetases Dh.S) dhe si pasojë e të shtënave mbeti i plagosur dhe shtetasi A. C., i cili ndodhet jashtë rrezikut për jetën.

Materialet iu referuan Prokurorisë, për veprime të mëtejshme, për veprat penale “Vrasja e funksionarëve publikë? e kryer në bashkëpunim e mbetur në tentativë, ?Vrasja për shkak të marrëdhënieve familjare? e kryer në bashkëpunim, ?Vrasja në rrethana cilësuese? e kryer në bashkëpunim? dhe ?Armëmbajtja pa leje??, thuhet në njoftimin e policisë./CNA.al





Lajmet e fundit nga