E fundit!

12:20 Aktualitet

EKSKLUZIVE/ Ja kandidatët për postin e nëndrejtorit në Policinë e Shtetit

CNA ka zbuluar ekskluzivisht se cilët do të jenë kandidatë...

"Bingo" me Rexhepin dhe Sadriun, Skënderbeu sërish "pazar" te Shkëndija e Tetovës

4 Qershor 2021, 19:27, Sport CNA

Skënderbeu ka filluar lëvizjet e para në përforcimin e ekipit dhe po mendon për të blinduar skuadrën e sezonit të ri. Duke parë elementët cilësorë që u afruan në huazim në mesin e sezonit, drejtuesit bardhekuq nuk kanë dashur që të heqin dorë nga këta lojtarë, por kanë nxituar për të mbyllur bisedimet sa më shpejt të jetë e mundur.

Bëhet fjalë pikërisht për Bekim Rexhepin dhe Laerd Sadriun, të cilët ishin afruar në huazim gjashtëmujor nga ekipi i Shkëndijës së Tetovës. Pikërisht këta dy futbollistë janë të parët që duket se do të konfirmohen nga ana e stafit bardhekuq për sezonin e ri.

Si Sadriu ashtu edhe Rexhepi do të jenë edhe për një sezon të huazuar te Skënderbeu. Huazim ky që vjen si një marrëveshje mes dy klubeve. Burime të sigurta pranë presidentit Takaj bëjnë me dije se në ndeshjen e Kupës në ?Air Albania? kanë qenë prezentë edhe persona nga klubi shqiptar i Maqedonisë së Veriut dhe pas këtij takimi është biseduar për zgjatjen e huazimit të dy lojtarëve në fjalë.

Duket se në parim gjithçka ka rënë në dakordësi për zgjatjen e huazimit. Gjithçka pritet të konfirmohet edhe zyrtarisht në fillim të muajit korrik apo pas përfundimit të sezonit të pushimeve kur të dyja klubet do të rikthehen në punë për fazën përgatitore për sezonin e ri. Gjithsesi, këto dy mund të quhen konfirmimet e para të Skënderbeut për sezonin e ri.

Duket se periudha financiare që po kalon ekipi i Skënderbeut nuk është aq e shëndoshë sa të mund të lejojë ekipin e Memellit të bëjë afrime përfundimtare gjatë merkatos, por duket se presidenti Takaj është duke ndjekur një tjetër strategji. I ndodhur në një marrëdhënie mjaft të shëndoshë me drejtuesit e Shkëndijës së Tetovës, Takaj ka kërkuar edhe tre lojtarë në huazim nga i gjithë grupi që ka në dispozicion ekipi kampion i Maqedonisë së Veriut.

Diskutimet janë zhvilluar të gjata dhe në fund është konkretizuar me një marrëveshje që nëse do të jetë e udhës që të huazohen lojtarë të tjerë, ata do të kalojnë te Skënderbeu. Ajo që ka bindur drejtuesit e Shkëndijës dhe që e favorizon presidentin Takaj, është fakti se Skënderbeu është kthyer në një markë tashmë dhe koeficienti i lëvizjes nga korçarët është më i lartë edhe për shkak të transferimeve të suksesshme që ky klub ka bërë.

SHKËNDIJA ? Tashmë duket se i takon Memellit të vendosë se për çfarë lojtarësh do të ketë nevojë në ekip dhe çfarë mund të ofrojë Shkëndija. Gjithsesi, duket se piketimet e para janë hedhur tashmë dhe Skënderbeu pritet që të shfaqë interes për një mes dy 20- vjeçarëve që nuk kanë pasur shumë hapësirë tek ekipi kampion.

Florent Ramadani dhe Arbin Zejnullai janë dy lojtarët që korçarët do t?i prisnin krahëhapur për shkak të cilësive që kanë, por edhe mungesës së hapësirës te Shkëndija. Gjithsesi, është ende herët nga sa raportohet që të flitet për emra pasi fillimisht duket të ndërtohen bazat e dy ekipeve për të parë se cilat janë mundësitë e transferimit në huazim.