Damiani pa çunat problematik kushton 6.666 vota më pak

2 Qershor 2021, 15:28, Politikë CNA

Sot pritet zhvillimi i analizës elektorale të Partisë Socialiste. Media në mungesë analize nga humbësi, ka interes të dëgjojë analizën e fituesit.

Si do të raportohet nga drejtuesit e qarqeve analiza e shifrave dhe faktorëve që ndikuan në uljen e pjesmarrjes ne votime dhe rezultati me minus në raport me votat e krahasueshme me rezultatin e PS të Vitit 2017?

Qarku që u dhemb më shumë socialistëve është qarku i Vlorës. Dhe kjo jo vetem sepse ishte qarku ku kandidoi kryetari i Partisë por edhe si modeli i rilindjes urbane i promovuar me forcë nga PS.

Nuk përbën çudi reagimi me tekst i drejtuesit të fushatës së Vlorës, Damian Gjiknurit.

“Raporti Gjiknuri”, i shperndarë jo vetëm për struktura të PS, ka shifra interesante, analiza e të cilave flet shumë për qejfmbetjet dhe inatet e Damjanit brenda grupit parlamentar dhe më gjerë.

Ato dëshmojnë sigurisht vlerën e Damjanit në qark. Është ajo vlerë të cilën po përpiqet Damiani ta fshehë pas dhjetra fajtorëve që ka listuar me dorë të vet.

Sipas Raportit të Gjiknurit:

?Në Qarkun Vlorë, PS mori 59,023 vota (ose 57.91% të votave të vlefshme) duke përbërë qarkun me mbështetjen më të madhe të PS-së në rang vendi”- thotë Damiani.

Por nëse analiza e Vlorës është për Vlorën nuk kuptohet pse tenton që me fjalinë vijuese ta krahasojë Vlorën me qarqe të tjera duke përgjithësuar, pra duke tentuar të thotë që “të gjithë qenkëshin njësoj”!

“Ashtu sikurse ndodhi edhe në 8 qarqe të tjera, edhe në Vlorë, rezultati i PS pati një rënie krahasuar me rezultatin e 2017. Rënia e PS në Vlorë ishte 6,661 vota ose 2.4%?, thotë Gjiknuri.

Analiza nuk liston gjithë njësitë administrative, por ndalet tek disa duke synuar qartësisht që të identifikojë fajin tek kandidatë të tjerë që: “Nuk janë të Damianit”.

“Me përjashtim të Njësisë Administrative Konispol, në të gjitha njësitë e tjera administrative PS-ja kishte rënie.

Njësitë Administative Ksamil (-10.41%), Armen (-10.32%), Orikum (-9.85%) dhe Kotë (-9.60%) kishin rënien më të madhe në përqindjen e votave të marra. Njësitë Administrative Qendër (-618), Rajoni 1 (-604) dhe Sarandë (-598) kishin numrin më të lartë të votave të munguara nga 2017.

Qarku Vlorë pati pjesëmarrjen më të ulët të zgjedhësve si në rang kombëtar ashtu edhe në historikun e vet të zgjedhjejeve për Kuvendin e Shqipërisë”.

Pra qarku Vlorë ka patur pjesmarrjen më të ulët në rang vendi. Kjo detyroi Edi Ramën të udhëtonte në Vlorë në ditën e votimit?

Po Damiani ku ishte? Apo ai thjesht mbikqyrte të tjerët?

Qarku i Vlorës, në gjithë Bashkitë e veta, është i mbushur me punësime personash të sistemuar personalisht nga ish deputeti Alket Hyseni, si krah i djathtë i Damian Gjiknurit. Pakënaqësinë ndaj dyshes Gjiknuri-Hyseni e gjen në çdo bisedë në stolat e lulishteve nga Vlora në Sarandë.

“Kryesisht bashkitë, kishin akumuluar probleme të shumta në administrimin e pushtetit lokal, duke shkaktuar pakënaqësi në rritje të një pjese të elektoratit. Bashkitë që u fituan në 2019 Selenica dhe Delvina, nuk ndikuan në favor të rritjes së votave për PS pasi prisnin më shumë ndryshim nga rimarrja e bashkive nga PS?, shkruan Gjiknuri.

Por është e gjithëditur që dogana, tatim taksa, zyra rregjistrimi pasurish, administratë portuale etj, janë të mbushura me emërime të rekomanduarish nga Damian Gjiknuri dhe Alket Hyseni.

Ndërkohë Damiani liston si shkaqe, pakënaqësinë në qark me administratën!

Është interesante në “Raportin Gjiknuri”, përsëritja e rolit të Ilir Metës në rezultatin e dobët të Vlorës:

“Ka disa arsye që ka rënie të elektoratit dhe këtu përfshihet: fushata e Presidentit të Republikës për LSI dhe opozitën në përgjithësi”.

Arsyetojmë pak mbi këtë detaj!

Akuzat e maxhoramcës por edhe deklarime të vetë Gjiknurit i lidhnin lëvizjet e Ilir Metës në ato ditë, me vizita ose takime me elemente “subjekte të OFL”.

Atëherë çfarë po na thotë Damjani me qarjet për rolin e Metës në Vlorë? Do kishte kuptim që roli i pretenduar nga Damjani i Presidentit Meta në Vlorë, të ishte përkthyer në mandat për LSI.

Por kjo nuk ndodhi. Çfarë roli paska luajtur Presidenti në Vlorë që ka ulur votat për PS, pa prodhuar mandat për LSI?

Nëse Presidenti kontaktoi çunat problematik dhe si rezultat u ulën votat për PS, pa prodhuar mandat për LSI, atëhere konkluzioni është i thjeshtë. Meta i paska hequr Damianit çunat problematik.

Lexoni me kujdes këtë paragraf:

??Në zonat nën përgjegjësinë së kandidatëve Anila Denaj, Vullnet Sinaj dhe Niko Kuri, rezulton edhe numri më i lartë i votave të pavlefshme.”

Nëse ky Raport “Konfidencial”, por i shpërndarë kudo nga Damiani do kishte dalë në ditët e ankimineve të PD dhe LSI në KAS, nuk do habitej njeri që ky referim të bëhej pjesë e “argumentave” të opozitës për tezat e tyre për pavlefshmërinë e zgjedhjeve.

Apo është Gjiknuri që ka marrë tezat nga ankimimet e Marashit në KAS?!

Sidoqoftë prova më e fortë e vlerës së Damianit vjen nga vetë teksti i “Raportit Gjiknuri”.

“Përfshirja direkte e Presidentit të Republikës në fushatën elektorale në Qarkun Vlorë në mbështetje të opozitës, veçanërisht krah LSI dhe sulmet ndaj përfaqësuesve të mazhorancës?, e zhveshën Damianin nga fuqitë e mbinatyrshme të lidhura me tërmetet.

Damiani pa çunat problematik vlen sa fletët e “Raportit Gjiknuri”. Ose e përkthyer në shifra është 6.661 vota minus./ CNA.al