web counter
LEXO PA REKLAMA!

SHKARKO APP

App Store
Google Play

Zgjedhje brenda PS-së/ Ngrihet komisioni për të analizuar 25 Prillin, ndahet në tre faza

2 Qershor 2021, 16:09, Politikë CNA

Partia Socialiste fitoi mandatin e tretë radhazi në pushtet. Por pavarësisht rezultatit, mazhoranca ka vendosur të bëjë analizën e procesit, e cila do të shërbejë si ?nxehje? për zgjedhjet lokale.

Në mbledhjen e sotme të Asamblesë së PS-së u miratua vendimi për zhvillimin e analizës së rezultateve në zgjedhjet e përgjithshme të 25 Prillit 2021.

Analiza do të kalojë në tre faza përmes një komisioni të posaçëm. Procesi do të nisë në 15 Qershor 2021 deri në 15 Janar 2022 në cdo nivel të partisë. Brenda fazës së parë do të zgjidhen edhe bashkë-drejtuesit e rinj të organizatave socialiste.

?Në periudhën 15 Qershor 2021 ? 15 Janar 2022 në strukturat vendore të partisë (OS, KSNjA, Bashki, Qark) do të zhvillohen analizat për rezultatet në Zgjedhjet e Përgjithshme të 25 Prillit 2021.

Sipas Vendimit përkatës të Asamblesë Kombëtare do të ngrihet dhe funksionojë një Komision i Posacëm i Analizës për Rezultatin e Zgjedhjeve të Përgjithshme të 25 Prillit, i cili do të përcaktojë metodologjinë e procesit të analizës.

Mbledhjet dhe takimet për analizën e rezultateve zgjedhore do të zhvillohen sipas këtyre fazave:

Faza e parë: Analizat për rezultatet e zgjedhjeve në OS të zhvillohen në periudhën 15 Qershor ? 15 Nëntor 2021. Brenda kësaj faze do të zgjidhen edhe bashkë-drejtuesit e rinj të organizatave socialiste.

Faza e dytë: Analizat për rezultatet e zgjedhjeve në Këshillat Socialiste të Njësive Administrative (KS të NJA) të zhvillohen në periudhën 15 Nëntor- 15 Dhjetor 2021.

Faza e tretë: Analizat për rezultatet zgjedhore në AS të bashkive dhe shkallë qarku të zhvillohen në periudhën 15 Dhjetor 2021 ? 15 Janar 2022 dhe zgjedhja e kryetarëve të PS në nivel bashkie.

Komisioni i Posacëm i Analizës, drejtuesit politikë të qarqeve dhe kryetarët e partisë të bashkive të marrin masat organizative për përgatitjen në kohë dhe ndjekjen e analizave që do të zhvillohen në strukturat vendore të partisë?, thuhet në vendim./CNA.al





Lajmet e fundit nga