E fundit!

10:40 Denoncim

Zbulohet skema/ Trekëndëshi: Bashkia e Tiranës - “Kuadr.com” - Arbër Veliaj

CNA ka nisur një tjetër investigim që mund të çojë drejt z...

Loja me RTSH/ Gati kamikazi i Ramës

24 Maj 2021, 11:03, Politikë CNA

Gazetari konfliktual, njeriu i pozicionuar politikisht në krah të Edi Ramës, mund të quhet socialisti rilindas Sokol Balla, duket kandidatura kryesore që po gatuhet në korridoret e mazhorancës, për drejtor i Radio Televizionit Publik Shqiptar.

Së fundi, bordi i RTSH-së ka shkarkuar Thoma Gëllçin, drejtorin që i mbaroi mandati dhe tashmë loja e socialistëve po ecën përpara.

Heqim një socialist që ka qënë kryeredaktor i ?Zërit të Popullit?, dhe vëmë një ?socialist të ri?, ?rilindasin? Sokol Balla.

Ndoshta mund ta quajmë edhe kamikazin e Edi Ramës, njeriun i cili publikisht ka konflikte politike me Partinë Demokratike. Ka debate të ashpra edhe me ish-kryeministrin Sali Berisha.

Sokol Balla është një njeri që ka drejtuar televizionin Top Channel, dhe e kanë larguar prej atje. Më pas shkoi në Vizion Plus, e larguan edhe që atje dhe përfundoi tek Irfan Hysenbelliu me emisionin e tij. Tani kërkon që ta ngrejë gradën, duke marrë drejtimin e RTSH-së.

Në fakt televizioni publik ka nevojë për një menaxher të mirë. Ka nevojë për një reformë të fortë, më shumë sesa për një ?kamikaz? të Edi Ramës, si Sokol Balla. Ky i fundit pak kohë më parë u përfshi edhe në një skandal publik me daljen e disa videove intime, por mesa duket koha kaloi, në rrjet ka shumë humor dhe tallje ndaj tij. Por, kjo ka pak vlerë. Gjithkujt mund ti ndodhë. Por, a mund të vësh në krye të RTSH-së, dikë i cili ta drejtojë me kyçin e dorës apo me mendjen e tij të ?kyçur? tek Edi Rama?

RTSH-ja vërtetë ka nevojë për reformim, ka nevojë për administrator dhe menaxher të fortë, por aspak nuk ka nevojë për skandalozin Sokol Balla, kamikazin e Edi Ramës, në një situatë të tillë politike.

Nga njëra anë Edi Rama i shtrin dorën opozitës. i thotë hajde të diskutojmë, nuk kam kufij. Ndërsa nga ana tjetër nxiton të zgjedhë drejtorin e RTSH-së.

A nuk do të ishte më serioze edhe për vetë mazhorancën, që lëvizjet për drejtimin e RTSH-së të bëheshin me ardhjen edhe të PD-së në parlament?!

Pra, plotësimin e Komisionit të Medias, një gare të vërtetë kandidaturash dhe pse jo edhe emri të ishte konsensual. Një intelektual, që pranohet nga të gjitha palët. Pasi ai është një televizion publik. Nuk është ekrani ku shikon veten Endri Fuga, Edi Rama apo Taulant Balla. Por, është ekrani i qytetarëve që paguhet nga taksat e qytetarëve.

Të gjithë paguajnë në faturën e ujit një taksë për Televzionin. Dhe tani këtë taksë do ta menaxhojë skandalozi Sokol Balla, me kyçin e tij në krye të RTSH-së, sepse kështu ka vendosur ndonjë ?mendjendritur i rilindasve?.

Në fakt RTSH-ja, ashtu siç e theksuam edhe më lart ka nevojë për një njeri me vizion, për një njeri përtej bindjeve politike apo konfliktit të ditës, për një qytetar apo intelektual që e nderon atë institucion dhe historinë e tij.

Nuk nderohet RTSH-ja dhe nuk mund të ecë përpara mazhoranca, apo t?i mbajë gjoja shtrirë dorën opozitës, duke vendosur në krye të një institucioni publik emrin e Sokol Ballës.

Do të ishte një katastrofë para se të fillonte sezoni i ri parlamentar, kur pritet rikthimi i opozitës dhe një qasje tjetër ndaj politikës.

Por, dikush nën rogoz po lëviz me shpejtësi. Kërkon t?i bëjë një qokë Irfan Hysenbelliut, apo kërkon të bëjë një qokë për veten e tij, kërkon të kapë ndonjë institucion apo të ketë një njeri besnik si Sokol Balla.

Fakti është një skandalozi i Edi Ramës, kamikazi i tij, sot po lufton që të kapë RTSH-në dhe në shërbim të tij është vënë edhe Partia Socialiste./ CNA.al

Skandalozi Sokol Balla në krye të RTSH-së?