E fundit!

09:27 Kronika

E rëndë në Korçë, 66-vjeçari i jep fund jetës

Rreth orës 08:40, në lagjen nr. 10, Korçë, një automjet ti...

“Zgjedhjet u vodhën me ligj”/ Ish-ministri i Ramës shigjeton ndërkombëtarët, mesazhi për opozitën

20 Maj 2021, 07:32, Politikë CNA

Ish-ministri i Drejtësisë në qeverinë ?Rama 1?, Ylli Manjani ka komentuar situatën politike në vend, dhe pretendimet e opozitës se zgjedhjet e 25 prillit janë vjedhur.

Në një postim në rrjetet sociale, Manjani shkruan se është fakt që zgjedhjet janë vjedhur, por sipas tij janë vjedhur me ligj.

Manjani thekson se qeveria socialiste miratoi një ligj monist, që sipas tij i shërbeu për të ?vjedhur me ligj?.

Manjani nuk ka lënë pa shigjetuar edhe ndërkombëtarët, kur shkruan se ?Republika e Ambasadorëve ra squk, kur “i dashuri i tyre” ua grisi ligjin konsensual të zgjedhjeve dhe miratoi ligjin monist të vjedhjeve.?.

Po ashtu Manjani i drejton edhe një leksion të fortë opozitës, ndërsa shkruan se vendi ka nevojë për bashkëpunim, dhe jo për pazare.

“Fakt është që zgjedhjet e 25 prillit janë zgjedhjet e dyta më të vjedhurat, pas atyre të vitit 1996.

Më shumë se të blera, zgjedhjet janë të vjedhura. Të vjedhura me ligj. Me ligj të diktuar dhunshëm nga partia moniste në pushtet.

Republika e Ambasadorëve ra squk, kur “i dashuri i tyre” ua grisi ligjin konsensual të zgjedhjeve dhe miratoi ligjin monist të vjedhjeve. Natyrisht nuk ishte detyra e tyre të na bënin ligje, por mund të mos ofronin garanci nëse nuk i kishin. Dhe kur dështuan, duhet të kishin vënë gishtin tek ai që i përzuri dhe i injoroi. Nejse, punë për ta.

Sidoqoftë fakti mbetet fakt:

Zgjedhjet u vodhën. U vodhën me ligj.

Dhe ky fakt nuk mbulohet as me opinione, as me deklarata pordhësh syfyri, as me stërvitje ushtarake, as foto me Erion Velinë&co. Nuk mbulohet madje as me vizën e hequr politikisht për Berishën e as me vizat e Ramës…

Pranimi ose jo i këtij fakti, pra i vjedhjes së zgjedhjeve, do të përcaktojë të ardhmen e afërt të bashkëpunimit politik në vend.

Bashkëpunim (jo koalicion) për të cilin vendi ka nevojë. Kanë nevojë shqiptarët, jo amerikanët për bashkëpunim politik. Baahkëpunim, jo pazar…

Të tjerat janë garnitura që nuk i shërbejnë Shqipërisë politike.“-shkruan Manjani./ CNA.al