E fundit!

10:40 Denoncim

Zbulohet skema/ Trekëndëshi: Bashkia e Tiranës - “Kuadr.com” - Arbër Veliaj

CNA ka nisur një tjetër investigim që mund të çojë drejt z...

Basha hesht për krimet në Shkodër/ I shqetësuar për karrigen e tij

19 Maj 2021, 10:09, Kronika CNA

Shkodra është mbërthyer nga krimi. Pothuajse çdo ditë nga qyteti i Shkodrës raportohet për krime, makabre, ekzekutime mafioze apo shpërthime lëndësh plasëse në shenjë hakmarrje.

Shkodra duket se është jashtë kontrollit të rendit dhe ligjit, për shkak të gjitha krimeve që kanë ndodhur dhe ndodhin atje ashtu siç ishte ngjarja më e fundit, ekzekutimi i Endri Mustafës.

Në këto rrethana, Lulzim Basha, kreu i PD-së në detyrë, ka shkuar në Shkodër dhe jo për të folur marrjen peng të qytetit nga krimi, por për të ruajtur karrigen e tij.

Për të kërkuar alibi për mbrojtjen e karriges së atij.

Asnjë fjalë nuk tha Basha, në Shkodër për krimet që kanë tronditur qytetin. I gjithë meraku i tij ishte karrigia, që po i lëkundet pas humbjes dhe dështimit që prodhoi 25 Prilli.

Në turin e humbjes, para demokratëve të Shkodrës Basha foli për beteja që kanë lidhje me karrigen e tij dhe jo se ishte i shqetësuar, se ka lënë demokratët në mes të rrugës, disa herë radhazi duke i gënjyer dhe mashtruar,

?Sot kam ardhur t?ju për të vazhduar dhe për ta çuar së bashku deri në fitore betejën që kemi nisur. Nëse jemi të vetëdijshëm për arritjet e kësaj beteje e cila ngriti peshë zemrat e shqiptarëve për ndryshim, nëse jemi të bashkuar, nëse jemi të gatshëm të pranojmë dhe të ndreqim ato që janë në dorën tonë të ndreqim, atëherë i kemi të gjitha mjetet për ta mbajtur të ndezur shpresën dhe pasionin për ndryshim të shumicës dërrmuese të shqiptarëve dhe të shkodranëve, i kemi të gjitha mjetet për ta flakur me çdo mjet një orë e më parë këtë pakicë plaçkitëse?, është shprehur Basha.

Asnjë fjalë se çfarë po ndodh aktualisht në Shkodër, duke u bërë kështu, palë me ngjarjet kriminale.

Kur hesht për krimin, konsiderohesh si bashkëpunëtor i krimit. Por, Basha që donte të bëhej kryeministër nuk është i shqetësuar për qytetarët për jetën e tyre, por për veten e tij, se si mund ta mbajë ende karrigen e kryetarit./CNA.al