E fundit!

19:19 Kosova & Bota

I nxehti ekstrem në Greqi/ Qeveria urdhëron pezullim të detyrueshëm të punës për 4 orë në disa sektorë

Greqia ka ndërmarrë disa masa emergjente për mbrojtjen e p...

Leonard Olli zbulon “qëllimin” e Bashës/ Çfarë fshihet pas turit dhe lëvizjeve kaotike të PD

11 Maj 2021, 18:39, Politikë CNA

Kreu i PD-së Lulzim Basha ka nisur turin nëpër rrethe, por ish-anëtari i Këshillit Kombëtar të PD-së Leonard Olli e cila cilësuar si non sens këtë.

Në një prononcim për CNA.al, Olli tha se e vetmja gjë që do të kishte sens, është që Basha të kishte filluar procedurat e analizës si e vetmja mënyrë për të dëgjuar atë çka mendon anëtarësia.

Sipas tij, turi i Bashës është një përpjekje e pastër për të ndikuar në zgjedhjet për kryetar që duhet të zhvillohen në korrik.

Ish-anëtari i Këshillit Kombëtar të PD-së deklaroi se këto lëvizje kaotike lidhen vetëm me mos marrjen e përgjegjësive dhe qëllimin e pastër për të mbajtur postin me çdo kusht.

?Turi i filluar në bazë është një non sens ligjok, politik dhe statutor. Nëse realisht do kishte dëshirë për të kuptuar se çfarë ndodhi në zgjedhje duhet të kishin filluar procedurat e analizës si e vetmja mënyrë për të dëgjuar atë çka mendon anëtarësia. Ky do të ishte i vetmi tur që kishte një sens. Çdo lëvizje tjetër është përpjekje e pastër për të ndikuar në zgjedhjet për kryetar që duhet të zhvillohen në korrik. Pra në këtë këndvështrim është një qasje e pastër për të shmangur përgjegjësinë dhe për të mbajtur me çdo kusht karrigen e kryetarit.

Nëse do ishte realisht e lidhur me rezultatin e zgjedhjeve, normale është që të pritet shqyrtimi I ankimimeve të bëra në KQZ dhe bazuar mbi ato konkluzione të mbahej qëndrim për zgjedhjet. Të paktën në konceptin instirucional. Por është e dukshme që të gjitha këto lëvizje kaotike lidhen vetëm me mos marrjen e përgjegjësive dhe qëllimin e pastër për të mbajtur postin me çdo kusht. Të njëjtat shqetësime ne ngritëm para 4 vitesh si pjesë integrale e strukturave të PD dhe ajo që pasoi dhe vijon të ndodhë, për fat të keq, provon kokfortësisht se i drejtë dhe institucional ka qenë qëndrimi ynë. Nëse do të ishte reflektuar në kohë sot do të kishim një panoramë fituese. Për fat të keq ambicia personale ka prevaluar dhe vijon të prevalojë mbi misionin që ka një parti politike!?, nënvizoi Olli./ CNA.al