web counter
LEXO PA REKLAMA!

SHKARKO APP

App Store
Google Play

“Kallëzimet e PD”/ Tabaku: SPAK nuk po ndërmerr asnjë veprim hetimor

11 Maj 2021, 11:17, Politikë CNA

Ish deputetja e Partisë Demokratike Jorida Tabaku në një deklaratë për mediat ka deklaruar se nga 1 janari deri në 25 prill janë bërë 125 milion euro transferta qeveritare për rindërtimin në 11 bashkive.

Tabaku shtoi se SPAK nuk ka bërë asnjë veprim për hetimin e kallëzuar nga PD.

?Shifra e përditësuar e transfertave të pakushtëzuara të qeverisë për këto 11 bashki është 124.4 milion euro të dedikuara vetëm për rindërtimin. Nga këto, 73 milion euro i janë dhënë Bashkisë së Tiranës, rreth 12 milion euro Bashkisë Durrës, 10.4 milion euro Kurbinit, 5.8 milion euro Kavajës, 4.8 milion euro Kamzës etj.

Të gjitha këto transferat janë miratuar dhe janë alokuar pas 1 Janarit 2021 duke shkelur Kodin Zgjedhor që e ndalon rreptësisht këtë gjatë 4 muajve të fundit përpara datës së zgjedhjeve.
Mijëra familje përfituan rritje të vlerës së dëmit nga DS1 në DS2 e deri në DS5, duke u akorduar miliona e dhjetëra miliona lekë secilës prej familjeve që përfituan nga ndryshimi i masës së dëmit. Dhjetëra VKM e VKB u miratuan nga 1 Janari 2021 deri më 25 prill për të lejuar makinerinë e manipulimit të ndikonte votën e qytetarëve.

Për këtë krim ku janë përfshirë një zinxhir i gjatë institucionesh nga Këshilli i Ministrave, Këshillat Bashkiakë etj, akoma nuk është ndërmarrë një veprim hetimor nga SPAK. Ndërkohë, dhjetëra kallëzime të Partisë Demokratike për krime zgjedhore në çdo qytet e çdo fshat të vendit vazhdojnë të flenë në sirtarët e SPAK?, u shpreh Tabaku./CNA.al





Lajmet e fundit nga