Connect with Us

Komisioni Konkurrencës bllokoi “transaksionin e zi” të Call-Center/ Inskenuar me mafien italiane, nga Agron Shehaj

Politikë

Komisioni Konkurrencës bllokoi “transaksionin e zi” të Call-Center/ Inskenuar me mafien italiane, nga Agron Shehaj

Publikuar

-

Komisioni Konkurrencës bllokoi “transaksionin e zi” të Call-Center/ Inskenuar me mafien italiane, nga Agron Shehaj

Prej 2 vitesh “bilbilosje” në parlament, nëpër media e “FB”; ish-deputetit Agron S. Shehaj, po i çirret maska e “engjëllit” (jo mikut të tij Agaçit të Ramës); dhe po zbulohet qëllimi i vërtetë, se përse në qershor 2017, banda “Berisha” e veshi me mandat deputeti, duke e pompuar e prezantuar, si “flamurtar të luftës kundër krimit e korrupsionit dhe si shpëtimtar të shqiptarëve nga tranzicioni”.

Logjikisht, të gjithë kanë të drejtë të flasin kundër krimit e korrupsionit, por jo ata që janë të zhytur brenda këtyre “moçaleve”; mbasi faktet që po publikojmë, nga “CV” e aktivitetit të “mbretit” të biznes-pisnesit “Call Center” në Shqipëri; nuk kanë asnjë lidhje me moralin që ai bënë.

Një akt zyrtar i Komisionit të Konkurrenës; zbulon dhe provon, tentativën e ish-deputetit të PD-së, Agron S. Shehaj; për të çimentuar e ligjëruar në Shqipëri, aktivitetin e zi Call Center; biznes fantazmë fiskale-tatimore dhe rrjet punësimi skllavëror; tipik “fabrika e lavatriçe”, që lejohen të prodhojnë e pastrojnë miliarda, në vendet “xhungël” si Shqipëria, ku parlamenti, qeverisja, politika, policia e drejtësia, janë pjesë përfituese prej krimit.

Me Shkresë Nr. 330, datë 23.08.2018; ish-deputeti Agron Shehaj, i ka kërkuar Autoritetit të Konkurrencës, që 85% të kuotave të biznesit Call-Center, me emrin tregtar “Sestante Holding SRL”, ta tjetërsonte me shitje, te kompania italiane “Comdata S.p.A”; për të cilën nuk dihet asnjë e dhënë, por vetëm emri, që mendohet se është maskë tjetër e ish-deputetit Agron Shehaj.

Me Vendim Nr. 543, datë 20.09.2018, Komisioni i Konkurrencës, nuk e ka miratuar këtë transaksion, duke vendosur” “Mosklasifikim si përqendrim i paligjshëm, për transferimin e 85% të kuotave të shoqërisë “Ç TIRANA Shpk”, te “COMDATA S.p.A.”.

Komsioni i Konkurrencës, ka konstatuar “akrobacinë” e ish-deputetit Shehaj me këtë transaksion; që në kërkesën e paraqitur për shitjen e 85% të kuotave, kërkues-shitës, është vetë Agron Shehaj i “Sestante Holding SRL”, si ortak i vetëm; ndërsa shitës në veprime doli “Ç TIRANA Shpk” po e Agron Shehajt.

Por me administrator Blenard Daci, i cili, në biznesin Call-Center në Shqipëri, paraqitet me emrin tjetër tregtar “Intercom Data Service”, ku përsëri, pronar i vetëm me 100% aksione e administrator është ish-deputeti Agron Shehaj.

Se çfarë fshihet pas kësaj “akraboacie”, do ta publikojmë në vijim, por po vazhdojmë, me vendimin e Komisionit të Konkurrencës, i cili ka bllokuar këtë transaksion mafioz të Agron Shehajt, bërë me biznesin mafioz të “Call Center”.

Komisioni, ka arsyetuar, se gjithë veprimet dhe “Marrëveshja Kuadër” mes palëve shitësi “Sestante Holding SRL” dhe blerësi kompania italiane “COMDATA S.p.A.”, është bërë në shkelje të plotë me procedurat ligjore të transaksioneve.

Në rastin konkret, këtë transaksion të pistë, pse jo me vepër krimi për fshehje të dhënash, të ardhurash e kapitalesh; me qëllim shmagien nga detyrimet tatimore etj.; ish-deputeti Agron Shehaj, ka përdorur si maskë, një shoqëri “target” me emrin “Ç Tirana SHPK”, 100% kapital hije i shoqërisë “Sestante Holding Srl”; regjistuar në QKB, në datën 05.04.2018, ose 5 muaj para kërkesës së tij, për ta shitur te “grupi italian anonim”.

LEXO EDHE:  Demaskohet Byrektorja e PD/ Basha nxjerr ushtrinë për të korrur fitore imagjinare

Mirëpo, nga dosja e aktivitetit ekonomiko-financiar, rezulton se xhiroja e shoqërisë “Ç Tirana SHPK” për vitin 2018, është në vlerën 0 (zero) lekë; fakt që për Komisionin e Konkurrencës, ka krijuar indicie për dyshime të plota, se shitja është në trasaksion mafioz.

Ky transaksion i inskenuar nga ish-deputeti Agron Shehaj, është fshehje e një krimi, nga ato që hetojnë Agjencitë e Luftës Kundër Pastrimit të Parave të Pista e që patjetër, duhet bërë objekt hetimi dhe nga SPAK e BKH, mbasi Agron Shehaj është një ish-ligjvenës, që vazhdon të paguhet nga taksat publike edhe pas lënies së mandatit të deputetit.

Përse, deputeti me diplomë univeristare ekonomike-italiane; tentoi të bënte transaksionin, me shitje të 85% kapitale, duke përdorur një firmë offshore; kur si “filozof e miliarder i ndershëm”, ai di shumë mirë, se sipas ligjit; në një shitje të tillë, me përfitim kontrolli të drejtpërdrejtë, apo të tërthortë, nga një ose më shumë ndërmarrje, përmes blerjes së kuotave; ka këto dy kushte:

Kur transaksioni është ndërkombëtar, si në rastin e ish-deputetit Shehaj me “mikun” ialian; xhiroja vjetore e palëve, duhet të jenë nga 7 miliardë lekë për secilën shoqëri.

Ndërsa kur shitja e kuotave, bëhet në tregun e brendshëm (Shqipëri), xhiroja vjetore, duhet të jetë 200 milionë lekë, për secilën palë pjesëmarrëse në transaksion.

Mirëpo, pisllëku u zbulua nga Komsioni i Konkurrencës, mbasi referuar skedave bankare në Shqipëri, rezulton se xhiroja e aktivitetit të shoqërisë target “Ç Tirana SHPK” për vitin 2018; është në vlerën 0 (zero) lekë.

Ndërkohë ka të dhëna, se ish-deputeti Agron Shehaj, për të arritur qëllimin, përdori të dhëna bankare të rreme; ndërsa “miku italian” i tij, nuk depozitoi asnjë dokument bankar e të dhëna tregtare, si anëtare në një nga dhomat tregtare të Italisë.

Referuar këtij manovrimi mafioz, Komsioni i Konkurrencës; e bllokoi transaksionin e zi të ish-deputetit Agron Shehaj me biznesin Call Center, duke konsideruar shkelje ligji, tentativën për transferimin e 85% të kuotave të shoqërisë offshore e fantazmë “Ç TIRANA SHPK”, tek fantazma tjetër italiane “COMDATA S.p.A”; që sipas të dhënave, është “nëndegë” e pestë e Shoqërisë “Carlyle Europe Partners IV L.P.UK”.

NË VIJIM fakte të tjera, nga “punët” brenda e jashtë Shqipërisë, që “trazohen” brenda kësaj “grope të zezë”, të mbuluar me kapakun “Call Center-Agron Shehaj”./Pamfleti

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Politikë

Rikthimi në krye të PD/ Berisha nuk tërhiqet

Publikuar

-

Nga

Ish kryeministri Sali Berisha ka votuar në selinë blu gjatë ditës e sotme ku dha deklaratë për mediat.
Ai ka thënë se pavarësisht nga rezultati, kandidatët janë zotuar se do të vazhdojnë përpjekjet e tyre për PD dhe për vendin.

Berisha u shpreh se i qëndron deklaratës që ai ka bërë së fundmi për rikthimin si lider.

LEXO EDHE:  Universiteti i Oksfordit fillon provat klinike për vaksinë kundër koronavirusit

LEXO EDHE:  FAKTET-Propaganda në FB/ “Byrektorja” e Lulzim Bashës, komente dhe sharje me profile false

Është krejtësisht normale. Kandidatët janë zotuar që do të vazhdojnë pavarësisht nga rezultati, përpjekjet e tyre për PD dhe vendin. Unë jam konsistent në deklaratat e mia”, u shpreh Berisha./ CNA.al

LEXO TE PLOTE

Politikë

Skandal/ Demokratët detyrohen të fotografojnë votën për Bashën

Publikuar

-

Nga

“Rama do qeveris 40 vjet si Enver Hoxha”/ Qytetarët demaskojnë Bashën: Tradhtar, nuk je për këtë punë

Zgjedhjet në PD, po shkojnë përmes skandalesh.

Demokratët janë detyruar për të fotografuar voton për Lulzim Bashën dhe më pas e kanë publikuar atë në rrjetet sociale.

CNA.al, ka mundur të sigurojë votën e njërit prej anëtarëve i cili e ka publikuar atë në facebook, bashkë me kartën e identitetit.

Parregullsi janë denoncuar dhe nga kandidati Agron Shehaj  i cili denoncoi  më herët se vëzhguesit e tij janë duke u përjashtuar dhe po pengohen që të monitorojnë procesin./CNA.al

 

LEXO EDHE:  Agroni si rival apo vasal

LEXO EDHE:  Agron Shehaj: Në PD duhet të garohet lirisht, kështu do bëhemi të fortë

LEXO TE PLOTE

Politikë

Basha mashtron me anëtarësinë/ PD tkurret si kurrë më parë

Publikuar

-

Nga

Ish deputeti “shuplakë” Bashës/ “Një njeri që mbron humbjen nuk arrin dot kurrë fitoren”

Sot po mbahen zgjedhjet për kryetarin e ri të PD, ku përveç kryetarit në detyrë Lulzim Basha, kandidatë janë edhe Edith Harxhi, Fatbardh Kadilli dhe Agron Shehaj.

Ajo çfarë vërehet është tkurrja e anëtarësisë së PD, të cilët janë listuar për votuar. Nga 2017, në zgjedhjet e kaluara, anëtarësia e PD është zvogëluar.

Kujtojmë se në vitin 2017, zyrtarisht ishin listuar 80 mijë anëtarë të PD me të drejtë vote për të zgjedhur kryetarin e ri të Partisë Demokratike.

Megjithëse, kjo listë doli më e fryrë se çfarë u deklarua zyrtarisht, pasi në kutitë e votimit dolën më shumë vota se sa anëtarë ishin raportuar.

Ndërsa në zgjedhjet që mbahen sot, flitet për rreth 75 mijë anëtarë, të listuar me të drejtë vote. Por, duket se ky numër anëtarësh nuk është real, ashtu siç trumbetohet nga PD. Është më vogël se sa aq.

LEXO EDHE:  Basha: Rama urdheron manipulimin e provave per te mbrojtur deputetin kriminel

LEXO EDHE:  Debati për Teatrin/ Zbulohen fakte tronditëse

Pasi ka degë që me 2 000 anëtarë kanë përfunduar me 900 anëtarë.

Gjithashtu ka disa degë që i kanë listat e zvogëluara tre herë më shumë se në vitin 2017.

Por, nëse kthehemi pas në vitin 2014, nga pozicioni i kryetarit të PD-së, Lulzim Basha pati deklaruar se PD kishte 120 mijë anëtarë.

Që do të thotë situata është ende më e rëndë si krahasuar me vitin 2017, si krahasuar me ditët e sotme.

Ndërkaq, procesi i sotëm po zbardh manipulimin e katër viteve më parë dhe njëherësh po dëshmon se Partia Demokratike me në krye Lulzim Bashën është tkurrur.

Nga baza po raportohet për një pjesëmarrje mjaft të ulët, në votime dhe listat janë ulur për të hequr ata që mund të votojnë kundër, por edhe për të krijuar  rritje fiktive në pjesëmarrje./CNA.al

LEXO TE PLOTE