web counter
LEXO PA REKLAMA!

SHKARKO APP

App Store
Google Play

E fundit!

x

Do hetojnë shkeljet e Metës/ Kush janë anëtarët e Komisionit Hetimor

6 Maj 2021, 18:37, Politikë CNA

Zbulohen anëtarët e Komisionit të ri Hetimor që do të shqyrtojnë shkeljet e presidentit Ilir Meta, për të cilin mazhoranca ka nisur sërish një nismë shkarkimi.

Mësohet se kryetar i Komisionit Hetimor do të jetë Alket Hyseni, ndërsa afati i punës pritet të jetë një muaj.

Ndërkohë bëhet me dije se opozita parlamentare në këtë komisioni do të përfaqësohet nga kreu i Partisë Lëvizja Demokratike Shqiptare, Myslim Murrizi nënkryetar dhe deputetët Halil Jakimi, Arlind Çaçani, Vasilika Hysi, Elena Xhina, Spartak Braho dhe Nikolin Staka do të jenë anëtarë.

Klotilda Bushka do të jetë sekretare, ndërsa anëtarë zëvendësues do të jenë kryetarja e Komisionit të Sigurisë Ermonela Felaj, deputeti Xhemal Qefalia dhe Eugen Bojaxhiu.

Kujtojmë se sot Komisioni i Ligjeve miratoi vendimin për ti përcjellë seancës plenare propozimin për ngritjen e një Komisioni Hetimor.

Sipas Komisionit të Ligjeve, aktet e Presidentit konsistojnë në sjellje dhe në mesazhet e tij publike në kundërshtim me parimin e unitetit të popullit, të papajtueshme në cilësinë e Kreut të Shtetit, të cilat nuk përkojnë me rolin e tij përfaqësues dhe ekuilibrues në jetën e vendit./ CNA.al

Kryetar
Alket Hyseni
Nënkryetar
Myslym Murrizi
Sekretar
Klotilda Bushka
Anëtar
Vasilika Hysi
Elena Xhina
Spartak Braho
Halil Jakimi
Nikolin Staka
Arlind Çarçani

Zëvendësues
Ermonela Felaj
Xhemal Qefalia
Eugen Bojaxhi





Lajmet e fundit nga