web counter
LEXO PA REKLAMA!

SHKARKO APP

App Store
Google Play

E fundit!

x

Identifikimi biometrik/ Celibashi: Shmang manipulimin e votave

22 Prill 2021, 19:29, Politikë CNA

Kryekomisioneri Ilirjan Celibashi ka treguar disa nga detajet në lidhje me procesin e zgjedhjeve të 25 prillit ku u shpreh se identifikimi biometrik në të gjithë vendin është një mënyrë për të eleminuar manipulimin e votave.

Celibashi në një intervistë për Log të Endri Xhafos shtoi se, për të mbrojtur votën e qytetarëve do të ketë vendosje të kamerave të sigurisë në qendrat e votimit.

?Jemi duke u marrë me të gjithë procesin e rekrutimit të operatorëve që do të përdorin pajisjen e votimit elektronik, për shkak të numrit të madh të aplikimeve dhe kujdesit që duhet

Do të doja dhe po punojmë që të identifikimi biometrik të jetë i mundur në të gjithë vendin.  Numri i zgjedhësve në zonat reale janë në një numër të vogël, por në raport me të përgjithshmen nuk impaktojnë rezultatin e zgjedhjeve. Kur vjen fondi për diskutim tej pretekstit të çdo njërit prej humbësit ka humbur për këtë arsye.

Pajisja është një element i rëndësishëm në integritetin e procesit zgjedhor, por nuk është i vetmi komponent që garanto integritetin e procesit zgjedhor. Janë kamerat e sigurisë që do të jenë në të gjithë qendrat e votimit, për të mbrojtur ndonjë manipulim të votës. Ato janë të fokusuara tek anëtarët e komisionit. I gjithë materiali që do të sigurohet në kamerat e komisionit të vëzhgimit do të jetë me ligj në duart e KQZ. Në parim ne besojmë se pajisjen e identifikimit biometrik të pajisjes do e kemi në të gjithë vendin?, ka thënë Celibashi./CNA.al





Lajmet e fundit nga