E fundit!

11:47 Aktualitet

Video/ Bllokohet lëvizja në sheshin "Skënderbej", qytetarët të revoltuar, debatojnë me efektivët

Ditën e sotme në sheshin “Skënderbej” është zhvilluar fest...

“PD merr 7 mandate në Shkodër”/ Izmira Ulqinaku zbulon problemet që kemi hasur në fushatë

22 Prill 2021, 18:48, Politikë CNA

Izmira Ulqinaku, kandidate e Partisë Demokratike në qarkun e Shkodrës është shprehur se zgjedhjet e 25 prillit do të jenë shpresa e ndryshimit.

Në një intervistë për CNA.al, Ulqinaku deklaroi se shkodranët janë koshientë që këto zgjedhje nuk janë vetëm për partinë, por për të ardhem e familjeve të tyre dhe të fëmijëve.

?Kjo nuk është vetëm një fushatë zgjedhore. Kjo është fushata e shpresës, fushata e ndryshimit. Asnjëherë më parë nuk kam parë kaq entuziazëm, kaq etje të madhe për ndryshim. Strukturat e Partisë Demokratike janë të angazhuara në maksimum, pranë qytetarëve të lirë e të ndershëm, atyre që me 25 prill sjellin ndryshimin.

Shkodranët e dijnë se këtë të dielë nuk vendoset për fatet e një partie. Vota jonë këtë herë nuk është thjesht votë për një parti politike, po do jetë votë për familjen tonë, do jetë votë pët të ndëshkuar ata që e perbuzën qytetin tonë e për të na dhënë mundësinë ne për të korrigjuar gabimet e tyre. Qytetarët janë më se të bindur që është koha për të ndryshuar. Shqipëria ka nevojë për shpresë, për ndryshim e ne zotohemi të punojmë fort për këtë?, tha Ulqinaku.

Kandidatja e PD në Shkodër shtoi gjithashtu se mbështetja ka qenë shumë e madhe, për shkak se sipas saj jeton mes banorëve në Shkodër dhe nuk është një individ që është importuar nga Tirana.

?Mbështetja qytetare në Shkodër është forca dhe frymëzimi ynë më i madh. Qytetarët na presin, na dëgjojnë e na mbështesim. Ne kemi qene gjithmonë afër tyre, në momente të vështira e të bukura. Në jetojmë në Shkodër, nuk jemi lista të importuara nga Tirana siç është lista e kundërshtarit tonë. Ne jemi qytetarë që i dijmë hallet e shqetësimet, pasi i vuajmë çdo ditë në komunitetin tonë?, tha ajo.

E pyetur se sa mandate synon PD në Shkodër, Ulqinaku deklaroi se : ?E them me bindje të plotë që këtë herë Shkodra i prin ndryshimit. 7 mandate janë të sigurta?.

Kandidatja e PD deklaroi se gjatë fushatës elektorale ka hasur probleme me shit-blerjen e votës, ku tha se janë adresuar në organet kompetente. “Kemi hasur dhe i kemi adresuar, por di të them se asgjë nuk e ndal ndryshimin, as bandat kriminale e as lekët e drogës e të krimit. Qytetarët shkodranë e kanë ndarë mendjen ? ndryshimi vjen vetëm me Partinë Demokratike”, tha Ulqinaku për CNA.al.