web counter
LEXO PA REKLAMA!

SHKARKO APP

App Store
Google Play

E fundit!

x

Porti i Durrësit/ Rama: Do ndryshojë thelbësisht ekonominë, po vjen epokë e re

16 Prill 2021, 17:18, Politikë CNA

Kryeministri Edi Rama është duke mbajtur një takim me qytetarët e Durrësit, në kuadër të fushatës elektorale për zgjedhjet e 25 prillit.

Rama ka shpërndarë videon e takimit dhe deklaron se për Durrësin e për krejt Shqipërinë do të hapet një epokë e re, duke iu referuar portit të ri turistik.

Kreu i qeverisë thotë se porti i ri do të injektojë vetëm gjatë ndërtimit nga kompania e madhe globale Emaar Group, 2 miliardë euro dhe do të ndryshojë strukturën e industrisë së re të Turizmit Shqiptar.

Sipas tij, impakti i këtij investimi do të ndryshojë thelbësisht ekonominë e qarkut të Durrësit si edhe do të krijojë një efekt ekonomik zinxhir në krejt bregdetin shqiptar.

?Teksa po dalim nga tuneli i gjatë i pandemisë një Epokë e Re po hapet për Durrësin e për krejt Shqipërinë

Porti i ri turistik, ndër më të mëdhenjtë e Mesdheut, do të injektojë vetëm gjatë ndërtimit nga kompania e madhe globale Emaar Group, 2 miliardë euro dhe do të ndryshojë strukturën e industrisë së re të Turizmit Shqiptar.

Impakti i këtij investimi që kryhet nga kompania që ndërtoi Portin e Dubait dhe ka autorësinë e ndërtimeve më spektakolare në Emiratet e Bashkuara, e në plot vende të botës, do të ndryshojë thelbësisht ekonominë e qarkut të Durrësit si edhe do të krijojë një efekt ekonomik zinxhir në krejt bregdetin shqiptar, ku ka nisur ndërtimi i Portit të Ri Turistik të Sarandës, do të nisë deri në qershor ndërtimi i Portit të Ri Turistik të Vlorës dhe sipas Planit 2021-2025 do të nisë brenda vitit 2023 ndërtimi i Portit të Ri Turistik të Shëngjinit?, shkruan Rama në rrjetet sociale./ CNA.al





Lajmet e fundit nga