web counter
LEXO PA REKLAMA!

SHKARKO APP

App Store
Google Play

"Mendova të lija futbollin kur isha te Interi", Kanavaro i surprizon të gjithë me rrëfimin

15 Prill 2021, 18:00, Sport CNA

Fabio Kanavaro teksa ngre lart Kupën e Botës në Berlin do të jetë një nga imazhet e ngulitura në mendje të tifozëve të Italisë, të cilët në vitin 2006 panë mbrojtësin të vlerësohej si një nga më të mirët në botë, duke u bërë i fundit lojtar i prapavijës që fitonte ?Topin e Artë?. Por gjërat mund të ishin krejtësisht ndryshe, pasi vetëm 2 vite më parë, futbollisti kishte menduar që të linte futbollin kur ishte pjesë e Interit, në atë që e ka cilësuar si eksperiencë të tmerrshme.

Duke folur në një lidhje direkte në ?Tik Tok?, ai ka treguar prapaskenat e atij momenti që mund ta shtynin drejt vendimit drastik për karrierën e tij.

?Isha te Interi dhe kisha një frakturë në tibie. Në atë një vit e gjysmë atje kam vuajtur me të vërtetë shumë dhe në një moment më erdhi në mendje ideja që të tërhiqesha nga futbolli i luajtur. Një mendim që për fatin e mirë vendosa të mos e çoja deri në fund?, tha ish-mbrojtësi. Në vitin 2004 ai kaloi te Juventusi dhe vazhdoi karrierën edhe për 7 vite të tjera, duke kaluar edhe te Real Madrid e më pas Al Ahli.





Lajmet e fundit nga