LEXO PA REKLAMA!

SHKARKO APP

Rama marrëveshje me Bashën pas 25 prillit?/ Andi Përmeti: Gjëja më e keqe që mund t'i ndodhë Shqipërisë

14 Prill 2021, 20:46, Politikë CNA
Rama marrëveshje me Bashën pas 25 prillit?/ Andi Përmeti:

Kandidati i Bindjes Demokratike në  qarkun e Korçës Andi Përmeti ka komentuar mbi deklaratën e kryeministrit Edi Rama se do të bënte një marrëveshje me kreun demokrat Lulzim Basha nëse ky i fundit do të ndahej nga Presidenti Ilir Meta dhe ish-kryeministri Sali Berisha.

Përmeti u shpreh se kjo kërkesë nga ana e Ramës është e sinqertë, pasi sipas tij, kryeministri nuk i siguron dot i vetëm 71 mandate. Më tej, ai shton se nëse kjo marrëveshje ndodh do të jetë gjëja më e keqe për Shqipërinë, pasi mund të ndodhë amnistia e të gjithë të akuzuarëve nga njëra palë për tjetër.

?Kjo është një kërkesë e sinqertë sepse unë besoj se 71 mandate Rama nuk e kap i vetëm dhe ka nevojë për një aleancë.  Ata kanë bashke qeverisur dhe kanë gjetur një gjuhë të përbashkët.  Kjo është gjëja më e keqe që mund ti ndodhë Shqipërisë, sepse do të legjitimojë vjedhjen e ardhshme dhe amnistia e të gjithë atyre që janë akuzuar nga njëri-tjetrin. Për mua nuk është surprizë. Edhe 5 qershori është një projektim i saj kur të dyja palët ranë dakord ta mbanin sistemin të pandryshuar.?, u shpreh Përmeti në një intervistë për Opinion./CNA.al

Lajmet e fundit nga