E fundit!

09:27 Kronika

E rëndë në Korçë, 66-vjeçari i jep fund jetës

Rreth orës 08:40, në lagjen nr. 10, Korçë, një automjet ti...

“Propaganda e PD, një farsë”/ Gjekmarkaj “këmbeu” fytyrën me të ndenjurat

9 Prill 2021, 07:02, Politikë CNA

Pas humbjes së PD me në krye Lulzim Bashën, në zgjedhjet parlamentare të vitit 2017, Agron Gjekmarkaj nën petkun e analistit, deklarohej se ishte koha për të hapur sytë.

Duke bërë përgjegjës Bashën për humbjen, në një opinion të botuar tek gazeta ?Panorama?, Gjekmarkaj, shkruante,-?Tani na takon t?i hapim sytë se populli foli?.

Gjithashtu ai komentonte e kritikonte edhe emërimet e Bashës në komisionet e Kuvendit.

??Një tjetër gjë që ra në sy, gjatë emërimeve të Bashës ishte shpërfillja ndaj Halim Kosovës, një personalitet ky i mirënjohur i mjekësisë shqiptare, i cili ju bashkua PD-së gjatë ?mbytjes? së saj, e për më tepër u ofrua për të bërë betejën e pamundur për Tiranën në verën e vitit 2015.

Basha me mirënjohjen që e karakterizon nuk e gjykoi të denjë për një post në komisionet e Kuvendit. Po ashtu dy profesorë, që vijnë nga mësim-dhënia, të vetmit që kuptojnë diçka aty nga arsimi dhe kultura nuk u përfshinë askund?

Sipas tij, propoganda e PD ishte farsë edhe në lidhje me ish të persekutuarit.

?Propaganda e PD në këtë rast është farsë kur ajo i ka dëbuar ish-të persekutuarit politikë. Në atë grup parlamentar mbi 30 prej tyre mund të ishin rehat edhe tek PPSH?, thuhet në një nga opinionet e Gjekmarkajt.

Akuzat e ish analistit tashmë kandidat për deputet në Lezhë Agron Gjekmarkaj, kundrejt Lulzim Bashës, kanë qenë të shumta dhe të pakursyera.

?Basha ka nevoje për zhurmë. Ajo është aleati i tij i vetëm, pa harruar ?kolaboracionistet? në këto ditë, ku ai paturpësisht po sillet sikur nuk e rrënoi PD-në?, deklaronte Gjekmarkaj më herët.

CNA.al prej disa ditësh ka sjellë anën tjetër apo fytyrën tjetër të Gjekmarkajt, i cili pak kohë më parë bënte be e rrufe se nuk kishte qëllim që të përfshihej në lista për deputet.

Dhe në këtë mënyrë i përvishej Lulzim Bashës, duke i hequr si parimor, por që rezultoi falso.

Nuk kaloi shumë kohë dhe Agron Gjekmarkaj, doli në listat e kandidatëve për deputet të Bashës.

Bashkë me kandidimin ndryshoi edhe fytyra e tij. Nuk është më ajo fytyra akuzuese kundër Lulzim Bashës, përkundrazi u shndërrua në mbrojtësin më të zellshëm të tij.

Duket se për Gjekmarkaj, është koha kur të ndenjurat kanë më shumë rëndësi se sa fytyra./CNA.al