web counter
LEXO PA REKLAMA!

SHKARKO APP

App Store
Google Play

E fundit!

x

Bardhi takon poetët dhe shkrimtarët në Elbasan/ Do të mbetet qytet i dijes, garanci është Flutura Açka

4 Prill 2021, 12:09, Politikë CNA

Partia Demokratike ka zhvilluar një takim me studitues, poetë dhe shkrimtarë të Elbasanit në Teatrin e Kalasë në këtë qytet.

Në takim është vlerësuar maksimalisht figura e Flutura Açkës që kryeson edhe listën e qarkut të Elbasanit për PD.

Bardhi ka thënë se fushata e PD bazohet tek qytetaria, dhe Flutura Açka është garancia se Elbasani do të vijojë të mbetet qytet i dijes.

?Unë jam shumë krenar që kemi në ekipin tonë, Fluturën, që përfaqëson vlerat reale të Elbasanit. Elbasani nuk është shquar kurrë si qytet i krimit, por ka qënë qytet i dijes. Elbasani nuk është shquar kurrë si qytet i frikës, por është shquar si qytet i letrave dhe i poezive. Elbasani do të vazhojë të mbetet qytet i dijes dhe për këtë garanci është Flutura, është ekipi i Partisë Demokratike, jemi të gjithë ne që këtë fushatë e kemi bazuar pikërisht te qytetaria.

Ne nuk e kemi bazuar fushatën dhe nuk do ta bazojmë deri në fund tek të fortët, te bandat, te ata që e mendojnë pushtetin si mundësi për t?u pasuruar për vete, por do ta bazojmë te njerëzit e thjeshtë, te njerëzit me vlera, te njerëzit me parime. Unë jam vërtet shumë i kënaqur që jam pjesë e këtij takimi. Sigurisht është një nga ato takimet ku unë duhet të jem një dëgjues i mirë dhe të mos flas shumë, prandaj do ua lë mikrofonin ju duke ju kushtuar shumë vëmendje, dhe jam i sigurt që do dal nga ky takim me më shumë ide dhe me më shumë vullnet për të çuar përpara ato vlera që përfaqëson qytetaria e Elbasanit?, u shpreh Bardhi./CNA.al





Lajmet e fundit nga