web counter
LEXO PA REKLAMA!

SHKARKO APP

App Store
Google Play

Kandidatja i del në krah Tom Doshit/ “SHBA të merret me ata që vodhën floririn dhe shkaktuan Gërdecin”

1 Prill 2021, 17:39, Politikë CNA

Ambasadorja amerikane Yuri Kim ka dalë me disa deklarata, ku ka kërkuar nga partitë politike që të mos kenë në listat e deputetëve persona të lidhur me krimin.

Po ashtu, ambasadorja i kërkuar edhe KQZ që të mos regjistrojë si kandidat për deputet Tom Doshin, i cili është në listën e zezë të SHBA.

Por pavarësisht këtyre thirrjeve, Tom Doshi arriti të regjistrojë partinë e tij, PSD dhe të jetë protagonist në zgjedhjet e 25 prillit.

Por kandidatja e tij për deputete Senera Hoxha, thotë se në këtë forcë politike vlerëson humanizmin e liderit të kësaj force politike.

?Humanizmin e z.Doshi. Në dijeninë time, z.Doshi është i vetmi deputet që çdo muaj paguan në spitalet private para nga xhepi i tij për pacientë që kanë nevojë për të bërë skanera covidi, operacione emergjente të cilat nuk e gjejnë dot radhën në shtet, ndihma pafund, shtrime rrugësh, tubacionesh dhe nëpër fshatra kudo në gjithë Shqipërinë?, tha ajo.

E pyetur për raportin e DASH kundër Tom Doshit, Hoxha, me profesion mjeke për operacionet plastike, tha se në listën e zezë të SHBA duhet të jenë ata që kanë vjedhur floririn dhe kanë shkaktuar Gërdecin.  ?Nëse DASH do ishte pak thelluar pak më tepër në investigim, edhe mua si qytetare nuk do më pëlqente që në lista të shikoja njerëz që kanë shkaktuar Gërdecin, kanë vrarë në bulevard apo kanë vjedhur floririn. Në momentin që do kenë fakte le t?i nxjerrin?, tha ajo./CNA.al





Lajmet e fundit nga