web counter
LEXO PA REKLAMA!

SHKARKO APP

App Store
Google Play

E fundit!

x

Agron Gjekmarkaj kundër Bashës/ “Të sulmohet se ka goditur rëndë kolonën e PD”

1 Prill 2021, 07:00, Politikë CNA

Nga analist në kandidat për deputet i Partisë Demokratike. Ky është Agron Gjekmarkaj, i cili është shfaqur me një personalitet të dyfishtë, në opinionin publik.

Dje kryqëzonte kreun e Partisë Demokratike Lulzim Basha, ndërsa sot, gjendet në listat e tij si kandidat për deputet në Lezhë, duke e përkufizuar kështu veten si një njeri pa shtyllë kurrizore.

Sa hap dhe mbyll sytë ai ndërroi qëndrim ndaj Lulzim Bashës.

Çfarë fshihet pas kësaj lëkundjeje, çfarë pazaresh janë kurdisur, këtë  e dinë vetëm muret e zyrave të PD.

A u shit Gjekmarkaj tek Basha për tu bërë deputet dhe u shfaq i tjetërsuar?

Ajo që shihet qartë, se është Gjekmarkaj e degradoi vetë figurën e tij, duke u u bërë kështu i pabesueshëm dhe për elektoratin kur ai pretendon të marrë vota.  

Edhe sot, po sjellim akuzat që Gjekmarkaj lëshonte dikur ndaj Lulzim Bashës.

Me 10 mars 2018, Gjekmarkaj ka komentuar situatën në Partinë Demokratike si dhe rastin e shumëpërfolur për lobime me rusët.

Në një intervistë për ?Oktapod? Gjekmarkaj ka thënë se ?ka një situatë bolente që zien në PD, dhe ai (Lulzim Basha) është përgjegjës kryesor për këtë. Kështu që është e natyrshme që të ketë shumë sulme përreth tij. Mendoj se është në një fazë që po merr sulme të merituara?.

Ndër të tjera Gjekmarkaj do të deklarohej për humbje të besimit tek opozita dhe Lulzim Basha.

Sipas tij Basha kishte goditur rëndë, fibrën e Partisë Demokratike, ka goditur ata që janë kolona, që e kanë mbajtur në ditët më të vështira.

?Shoqëria po e sheh me indiferencë opozitën, sepse e ka pritur gjithë këto vite. Ka pritur që Lulzim Basha në 2013 të bëjë një ?me akulpa? për gabimet që ka pasur qeverisja e Sali Berishës. Të ringrejë dhe të themelojë PD. Ta hapë atë për elita dhe shtresat profesionale. Kam përshtypjen, se Basha ka goditur rëndë fibrën politike të Partisë Demokratike. Ka goditur ata që janë kolona që e kanë mbajtur në ditët më të vështira?, është shprehur më herët Gjekmarkaj.

Rastet kur ai ka akuzuar dhe sulmuar Bashën janë të shumta. Por, sot ai shfaqet i rilindur në krah të Bashës, për të kërkuar një vend në Kuvend.

CNA.al  do të vijojë të sjell në vëmendje, qëndrimet kontradiktore të ?kritikut? të madh Agron Gjekmarkaj, në kohën kur ai e kryqëzonte Bashën./CNA.al

 





Lajmet e fundit nga