web counter
LEXO PA REKLAMA!

SHKARKO APP

App Store
Google Play

Kryemadhi zbërthen fjalimin e Ramës/ Si po shkakton konflikt mes kandidatëve për deputetë

25 Mars 2021, 22:36, Politikë CNA

Kryetarja e LSI-së, Monika Kryemadhi ka komentuar fjalimin e kryeministrit Edi Rama në hapjen e fushatës elektorale.

Ajo tha se mllefi dhe urrejtja e shfaqur nga kryeministri Edi Rama tregon panik dhe pasiguri.

Kryemadhi deklaroi në emisionin ?Të Pa Ekspozuarit? se Partia Socialiste është e zhgënjyer dhe se figurat kryesore të partisë i ka futur në listë humbëse duke shkaktuar një konflikt brenda kandidatëve për deputetë.

?Fjalimi i Ramës për mua përkthehet si inekzistencë e Rilindjes në terren, zhgënjim i jashtëzakonshëm i Partisë Socialiste me ekipin dështues të Ramës. Kodi i ri zgjedhor i ka dhënë një konflikt të drejtpërdrejtë midis kandidatëve brenda për brenda vetë listës, ku ndërkohë figurat e vjetra të PS-së i ka vënë në pozicione disfatiste, humbëse. Kështu që automatikisht nëse këta do të ishin deri në pozicionet që të mblidhnin votat në grup në shenjë solidariteti, tashmë janë në kushtet e mbijetesës për veten e tyre.

Kushte mbijetese nuk do të thotë që ata të merren dhe të bindin njerëzit pse duhet të votojnë Rilindjen, por do të merren dhe do të shkojnë të gllabërojnë vota brenda tufës së tyre, në mënyrë të tillë që të kenë mundësi për të kthyer listën. Vetë argumentimi dhe metodologjia, nervozizmi, urrejtja, mllefi që përdoret në një hapje fushate për mua tregon panik dhe pasiguri të madhe?, theksoi kryetarja e LSI-së./ CNA.al





Lajmet e fundit nga