E fundit!

10:35 Live Updates

Hijet e Erion Veliajt në protestë

Veliaj përmes Arta Dades refuzon “antimiti...

“Do marrim rezultatin më të mirë në rang kombëtar”/ Duka tregon sa mandate do fitojë opozita në Durrës

23 Mars 2021, 17:30, Politikë CNA

Kreu i Partisë Agrare Ambientaliste Agron Duka, i cili do të kandidojë nën siglën e koalicionit Aleanca për Ndryshim në Durrës është shprehur optimist për rezultatin që do të marrë opozita në 25 prill në këtë qark.

Në një reagim për CNA.al, Duka u shpreh se qytetarët e Durrësit janë ata që kërkojnë ndryshimin e vendit, duke akuzuar qeverisë se është përgjegjëse për damkën e zezë kombëtare dhe ndërkombëtare që ka marrë qyteti bregdetar.

Duka shprehu bindjen se në zgjedhje opozita do të marrë në Durrës rezultatin më të kënaqshëm në rang kombëtar, ku sipas tij do të fitojë 8 mandate deputeti.

?Situata politike në qarkun e Durrësit është qartësisht në favorin e opozitës, qytetarët kërkojnë ndryshim, kërkojnë gjithashtu edhe ndëshkim ndaj mazhorancës, që me skandalet e shumta të këtyre viteve i kanë dhënë qytetit tonë një damkë të zezë, kombëtare dhe ndërkombëtare.

Është përgjegjësia jonë si opozitë ta maksimalizojmë këtë vullnet për ndryshim që vjen nga qytetarët, ta mbrojmë votën, që kërcënohet nga blerja dhe forca e pushtetit në ikje, dhe t?ua kthejmë Durrësin qytetarëve. Jam i bindur se rezultati do të jetë nga më pozitivët në rang kombëtar, ku opozita do të marrë 8 mandate?, tha Duka për CNA.al.

Më tej kreu i PAA theksoi se mazhoranca po e ndjen humbjen dhe përmes grupeve të interesit po provokon situata të tensionuara.

?Të gjithë e kemi vënë re një tensionim të situatës nga ana e mazhorancës, e cila ndjenë frikën e humbjes. Po ashtu grupet e interesit të lidhura me pushtetin aktual, qofshin ato të ligjishme apo të paligjshme, po përgatiten për të mbrotjur privilegjet që kanë vjelur përgjatë këtyre viteve, në kurriz të interesit publik.

Megjithatë, shpresa për ndryshim është më e fortë se frika me të cilën po futet në zgjedhje mazhoranca, apo frika që kërkon të injektoj të te zgjedhësit. Mungesa e prorgramit dhe bilancit nga ana e mazhorancës, po kompensohet me një komunikim negativ dhe përcarës, që ka mungesë të fort logjike. Kësaj qasje po i vjen fundi, pasi në cdo betej, fiton ai që ofron shpresë dhe përbashkim, jo ai që ofron frikë dhe përçarje?, tha Duka për CNA.al.