PD dhe LSI me dy lista/ Justifikohet Kryemadhi: Është më efikase

1 Mars 2021, 21:37, Politikë CNA

Kryetarja e LSI, Monika Kryemadhi ka folur mbi marrëveshjen e me Partinë Demokratike këtë të hënë, për koalicion paszgjedhor.

Ajo tha se marrëveshja është pjesë e axhendës të opozitës së bashkuar kundër regjimit të Edi Ramës, ndërkohë që dha disa arsye pse sipas saj dalja me dy lista është më efikase.

?Kjo ishte pjesë e gjithë angazhimit dhe gjithë axhendës opozitare që ne kemi organizuar si front opozitar kundër qeverisjes së rilindjes dhe të Edi Ramës. Çështja e firmosjes së marrëveshjes sot nuk ka të bëjë me atë çka ju po kërkoni t?i jepni një drejtim tjetër. Në këtë studio janë shprehur të gjithë që një listë e përbashkët do të ishte më efikase për opozitën se sa dy lista…

Kjo ka të bëjë me angazhimin e secilit nga ne. Mendoj se sa më shumë burra dhe gra, të rinj e të reja të përfshihen për të qenë përfaqësues në listat e PD-së bashkë me Aleancën për Ndryshimin dhe në listat e Lëvizjes Socialiste për Integrim, e cila ka një identitet tërësisht të sajën, që është parti e qendrës së majtë, ndryshe nga ajo çfarë përfaqëson Partia Demokratike që është e qendrës së djathtë, është një përfshirje dhe një zgjerim i jashtëzakonshëm i shumë figurave të reja dhe njerëzve të rinj që mund të përfshihen në politikë. Ne do të rakordojmë në rrugë strategjinë e zgjedhjeve për të përmbysur më 25 prill me votën e shqiptarëve sektin e rilindjes dhe mund të them që firmosja e marrëveshjes së sotme e bëri shumë të qartë që sot z. Rama filloi të shijojë ditën e parë të pensionit të tij politik?, u shpreh ajo në emisionin ?Opinion?.

Kryemadhi deklaroi se duke u bashkuar në një listë do t?u hiqej mundësia e garimit të rinjve që janë anëtarë në dy partitë opozitare.

?Ne mendojmë se në PD ka djem e vajza që mund të përfshihen në listë, ashtu si dhe në LSI, ku ka shumë djem e vajza që mund të ishin pjesë e listës. Duke u bashkuar në një listë u hiqej mundësia e garimit. Sipas kësaj llogjike, ne e dimë se edhe shumë kandidatë të partive të tjera nuk kanë shans për të vajtur në parlament dhe e dimë pse dalin në listë, por prap ju jepet mundësia për të garuar. Njerëzit kanë shanse dhe mundësi të garojnë, shanse të barabarta.

Ne po garojmë për të ju dhënë mundësinë njerëzve që të mund të ndihen si në shtëpinë e tyre, sepse duke fituar Shqipëria, do të fitojë shtëpia e tyre. Ajo që është më e rëndësishme dhe që sot kanë më shumë nevojë shqiptarët, nuk është halli se si do të garojë LSI apo PD, por është halli a do të kenë punë nesër, a do të kenë mundësi për të krijuar vende pune. Kjo është më e rëndësishmja për qytetarët shqiptarë?, theksoi kryetarja e LSI./ CNA.al