web counter
LEXO PA REKLAMA!

SHKARKO APP

App Store
Google Play

Prezantohet koordinatori i Bindjes Demokratike për Elbasanin

27 Shkurt 2021, 11:04, Politikë CNA

Drejtuesi i Bindjes Demokratike, Astrit Patozi ka prezantuar koordinatorin politik për qarkun e Elbasanit.

Erjon Murataj do të jetë koordinator i Bindjes Demokratike për qarkun e Elbasanit. Patozi përmes një postimi në rrjetet sociale, evlerëson figurën e Muratajt dhe prejardhjen e tij.

?Erjon Murataj do të jetë koordinator i Bindjes Demokratike për qarkun e Elbasanit. Zoti Murataj është një politikan i ri me një eksperiencë të pasur në administratën publike dhe në biznesin privat. Lidhja e tij me qytetin bëhet më e fortë edhe nga trashëgimia, pasi është nip i dy gjyshërve të njohur, regjisorit të teatrit “Skampa”, Llambi Burgjia dhe gjeneral Myqerem Muratajt. Jurist në profesion ai synon të kontribuojë për Elbasanin, duke i siguruar atij një përfaqësim dinjitoz në parlamentin e ardhshëm, që të reflektojë në radhë të parë problematikën e rinisë së këtij qarku.

Në një intervistë për televizionin ORA NEËS zoti Murataj theksoi se :
Me këtë politikë, që ka prodhuar 30 vite tranzicion të vështirë, shqiptarët duhet të ndahen një herë e përgjithmonë më 25 prill. Thirrja ime u drejtohet, jo vetëm të rinjve, por dhe gjyshërve e prindërve të tyre. Të cilët duhet t’u besojnë të rinjve, të cilët ata vetë i kanë edukuar me dashurinë për Shqipërinë.
Vijoj duke i kujtuar shqiptarëve se : Kjo nuk është më çështje e vjedhjes së Shqipërisë. Nuk është me as çështje e goditjes së demokracisë për të cilën u luftua në vitet 90. Kjo është një betejë, drejtuar skeptikëve me fjalët: NUK KA LUFTË QË NUK FITOJNË TË RIJNTË?, shkruan Patozi./CNA.al





Lajmet e fundit nga