web counter
LEXO PA REKLAMA!

SHKARKO APP

App Store
Google Play

Rama nxjerr fotot e spitalit në Elbasan/ S'ka më qorr se ai që i ka sytë top, po mëndjen tapë!

18 Shkurt 2021, 08:43, Politikë CNA

Kryeministri Edi Rama ka publikuar foto para dhe pas rikonstruksionit të spitalit të Urgjencës dhe Patologjisë në Elbasan.

Rama thekson se spitalet e sotme nuk kanë krahasim me ata spitale shtatë vite para ndërsa ngre pyetje se çfarë do të kishte ndodhur po të kishte sulmuar virusi shtatë vitë para.

?Po sikur të kishte sulmuar virusi para 7 vjetësh kur spitalet ishin deri edhe në këtë derexhe apo sikur largoqoftë edhe ne të kishim qenë si ata të para 7 vjetëve dhe të na kishte gjetur me ato farë spitalesh, a e imagjinoni dot se çfarë qameti do ishte bërë apo jo? Ky është Spitali i Urgjencës dhe Patologjisë në Elbasan dhe besoj s’ka nevojë për koment, pavarësisht se kush nuk do të shikojë s’ka shans ta shohë ndryshimin (s’ka më qorr se ai që i ka sytë top, po mëndjen tapë!), por do të vazhdojë avazin se sot është më keq se dje! Jo, sot spitalet nuk kanë asnjë krahasim me dje, por unë jam i pari që e di se ky ndryshim fantastik i infrastrukturës nuk mjafton, sepse duhet ta kryejmë deri në fund edhe ndryshimin që kemi nisur këto vite në organizimin e bluzave të bardha, menaxhimin e tyre, cilësinë morale e jo vetëm profesionale të shërbimit, duke pastruar deri në fund abuzuesit e batakçinjtë nga radhët e atyre bluzave! Prandaj na duhet Mandati i Tretë?, shkruan Rama./CNA.al





Lajmet e fundit nga