E fundit!

19:55 Aktualitet

“Protestat e kanë goditur qeverinë”/ Kikia: Ministrat dhe deputetët nuk ecin të lirë në rrugë

Gazetari dhe analisti Mentor Kikia ka folur ditën e sotme ...

A mundet njëkohësisht të jem dhe me Covid dhe grip?

11 Shkurt 2021, 19:59, Lifestyle CNA

Nga Dr. Blerta Brati, mjeke mikrobiologe pranë ISHP

A mundet qe te infektohemi me dy viruse respiratore, ne kete sezon ne te njejte kohe?

A mundet njekohesisht te jem dhe me Covid dhe grip?

Nëse shikojmë vetëm sistemin e frymëmarrjes, cilat janë shanset që dikush të ketë dy viruse të frymëmarrjes në të njëjtën kohë?

Per kete duhet te dini nderveprimin njekohshem te dy viruseve ne qelizat e hostit.

Studimet mbi Covid dhe grip njekohshem eshte heret te japin rezultatet, por ajo qe eshte studiuar jane viruset e ftohjes se zakonshme dhe gripit psh.

Cfare dime?

Viruset e gripit dhe ftohjes konkurrojnë me njëri-tjetrin kur ato janë në trupin tonë. Pra, nuk mund të kapni të dy sëmundjet në të njëjtën kohë.

Gripi dhe ftohja e zakonshme janë infeksionet më të zakonshme të frymëmarrjes në dimër. Shkencëtarët kanë zbuluar se dy viruset konkurrojnë me njëri-tjetrin. Kështu, të infektuarit me një virus të ngjashëm me gripin zvogëlon rrezikun e kapjes së infeksioneve të tjera të frymëmarrjes, siç është ftohja e zakonshme e shkaktuar nga rinoviruset.

Veçanërisht dy viruse nuk janë krijuar për tu shoqëruar, ato janë viruset e gripit dhe rhinoviruset. Të dy aktivë në dimër, ata infektojnë të njëjtat qeliza në mukozën e frymëmarrjes për të shkaktuar hundë të lëngshme dhe simptoma të tjera të pakëndshme.

Sipas studiuesve, kur virusi i gripit sulmon qelizat e traktit respirator, imuniteti i lindur fillon. Një stuhi interferonesh pastaj vendoset për të penguar infeksionin viral. Nëse, rastësisht, një rinovirus gjithashtu përpiqet të infektojë qelizat, ai do të sulmohet nga interferonet.

Viruset mund të konkurrojnë për të infektuar qelizat në trup ose përgjigja imune komplikon infeksionin me një lloj tjetër të virusit. Funksionon edhe e kundërta, nëse keni qenë i infektuar me një rhinovirus në të kaluarën, ka më pak të ngjarë të merrni grip më pas.

Këto studime sugjerojne që incidenca e infeksioneve të gripit nuk lidhet vetëm me stinën, moshën ose shëndetin e bujtesit, por edhe me incidencën e infeksioneve të tjera virale. Kuptimi më i mirë i ndërveprimeve virus-virus mund të përmirësojë parashikimet e epidemive sezonale dhe strategjitë për t’i luftuar ato.

Si perfundim :

Besohet se viruset e frymëmarrjes konkurrojnë me qelizat e infektuara në trup, ashtu si luanët dhe hienat luftojnë për të njëjtën pre.

Pra, kur dy viruse epidemike qarkullojnë në të njëjtën kohë, në të njëjtin territor dhe synojnë të njëjtën popullsi, ata i kundërvihen njëri-tjetrit dhe është virusi me potencialin më të madh të rritjes që merr përsipër infektimin. Kjo quhet ndërhyrje virale.